我地住日本，個女未夠4歲過到嚟，依家總算可以keep到廣東話，學到英文。日文當然流利。
如果諗住去英國加拿大嘅，可以參考一下我的經驗。
6個讚
好多ABC 香港人移民後代都係會講流利廣東話, 但只限識聽講唔識寫
如果父母仲係講廣東話還可以, 但要小朋友連書寫都識就好難
好難，除非好似麥美恩咁家人狂練中文，但好難。連國際學校啲學生日日係香港，接觸中文機會咁高，都未必搞得掂基本中文，睇古裝劇就更加不可能發生。
移民後代識聽識講識寫自己個名同幼稚園程度嘅字，已經係非常好。
太細個移民好難keep，9歲後起碼有小三程度好D
1個讚
佢哋識聽識講我已經好滿足，去咗第二度，實要give and take
我淨係想佢識講。寫，我完全冇奢望。
日本讀書時會學啲漢字，好過冇。
我個妹香港讀國際學校，中文仲差過我個女。
我朋友十幾歲先移民，同我講中文啲文法都係係亂哂籠。
可以用中文溝通已經滿足。
文法，可以體諒。
3個讚
我都系希望我女女識講，識睇就夠，而家得5歲，仲ok，希望可以一直keep倒落去…
1個讚
識得睇我覺得好難，當然盡力啦。
咁應該講英文都唔慌好得去邊
麥美恩廣東話好到可以主持。今日先知原來係CBC! 雖然Richmond 基本上係一個mini香港，但真係厲害到嚇死人。
我覺得國際學校，連睇中文menu 都有問題係有d離譜嘅
唔係㗎… 我個妹係一個人版… 佢成日都笑自己。
其實如果提供一個語言環境俾佢，離開香港一樣可以學好廣東話。（反過來亦然）。
我認識嗰啲六七歲去到加拿大，大個咗英文係native.
10至12歲, 努力少少, 英文非常接近native , 要本身嘅母語, 亦都可以差唔多完全保留。
但係十四五歲先至過去，一來反叛期，二來已經成型，難免有口音。
我識果個係…十幾歲一直響香港的
下集，我哋個囡點樣喺日本學英文。而家日本三年級, 雖然有口音，但係 Oral 同埋讀寫 都有美國二連級level。最開心咪唔使迫，佢自己主動要學。
https://www.facebook.com/451709898347029/posts/1495969143921094/?d=n
睇佢有幾鍾意。
我都係自己學，我啲siblings都唔係好識中文。
我老公直頭外國人，住香港嗰陣時自己學，識寫識睇識講呀。我而家都係同小朋友睇簡單中文書keep興趣咋，佢大啲慢慢嚟，始終中文好難
1個讚
冇得迫,只會有反效果. 所以只可以盡量提起佢嘅興趣.