大家好，我都係單親，一個仔18歲，一個女16歲，自己香港有間蚊型公司仔，存款唔多，得6位數，最近有想過英國念頭，主要為個女讀書，因青春期，開始識埋d 壞朋友，自己英文唔叻，都係擔心過到去唔知做乜，不過仔女都話到時會做partime 幫補，自己最後入唔入籍，對我黎講其實唔太重要，只想佢地喺呢段時間喺果邊浸淫下，大家認為我呢個case, 應該過嗎？請大家比比意見，thanks.
即係佢地都有意慾過去喎
3個讚
現金如果得6位數，假設冇其他資產，會唔會有d辛苦？仲要供2個小朋友讀書
我又覺得ok， 你有公司仔應該都可以照run，keep返收入，但小朋友呢個年紀過去，預咗讀大學無得平，金錢上要預鬆d. 不過，你小朋友都大，好快出身，唔洗擔心太多
過左去係咪間公司唔做架啦？
如果存款得6位數，d錢可以好快用晒，其實可唔可以打聽下有無工請先過去?
講多少少先，我間公司仔會照run, 因為都仲有一個partner, 而我個仔其實都冇意讀書，本身係諗住去澳洲working holiday, 所以過到英國都係會做野，主要都係想個女讀，而佢地兩個都想去的。
6位數儲蓄好快用完，你首先要買車，加埋保險當5至當10萬，再比半年租同添置新居所需，當10萬，申請bno visa 當你只申請2年半，印象中一位都要3萬左右，咁又無咗10萬
至於呀仔份pt，一來唔知有無，二來都可能只夠佢自己洗
你香港收入仲要交英國稅，所以唔似香港咁好使喎
不過又咁講，如果你哋真係乜都唔介意做，又唔介意住得差d，又唔介意頭幾年辛苦，我真心覺得想去就試吓，特別係你d仔女，咁後生，一本護照係改變到一生
9個讚
有冇樓？如果賣左樓過去錢銀會鬆動好多
特別係仔女啲大學學費真係好貴好貴…
冇樓呀，其實都唔知個女讀唔讀到大學架，佢成績又唔係特別好，佢repeat 過，而家都係讀緊中三，諗住過去讀埋中學先算
呀仔一心想試外國發展,當然一齊去啦~
其實我自己間公司仔係旅行社黎，淨係今年都接近零生意，下年都唔會明朗，我係諗與其喺香港磨，不如過去，起碼個女有個好環境讀書先。
我係諗個仔横掂都係諗住去澳洲working holiday, 咁倒不如全家去英國，佢當換個地方working holiday, 我又喺佢身邊
但係去 working holiday 不是為了學會獨立咩？家人跟埋去好似怪怪地。反而放手比佢地兩個出去闖，你又唔想入藉就留守香港大本營，有咩事時佢地反而有屋企返⋯⋯
1個讚
澳洲疫情好似冇英國咁嚴重，可能佢會容易D搵工？我知道有幾個LOTR的家庭，暫時全部都末搵到，靠儲蓄過日子。
仔仔已經過18歲係咪要另外EXCEPTIONAL CASE咁申請? 超過18歲未必可以做DEPENDENT
女女就叫趕到跟你BNO 5+1, 但去到英國讀完中學升到大學都要比FOREIGN STUDENT學費, 樓主得6位數字會唔會比較難負擔 (SORRY我唔係想潑你冷水, 但真係有D風險)
1個讚
難得仔女都想過，當俾個機會佢地，一於去la
2個讚
我都係咁話。
點解唔考慮澳洲或加拿大?兩個國家比年輕人入藉條件都低左
1個讚
仔女都預備好係「生存」
咁就去馬啦…
但阿女可能要拎咗BC先有辦法用本地價讀書…？