香港早前有航空公司推出本地飛機遊，於香港空中飛一個圈，估唔到反應極為熱烈，火速爆滿，大家都想一解坐飛機癮。泰國航空就另有新搞作，而且更高明，就係請來高僧帶領大家遊勻全泰國39個城市或地區一共99個佛教聖地！
計劃於11月尾開始，由曼谷機場出發，於空中暢遊全國99個知名佛教聖地，包括四面佛、玉佛寺、清邁素貼寺等，並全程由高僧帶領頌經，航程約為3小時最後返回曼谷機場。泰航話佛教係泰國人嘅宗教，於疫症期間希望一方面為世人頌經祈福，二方面又可以為大家提供一次另類空中旅程，一舉兩得，而且全程唔落機做足檢疫，保證安全。完成今次旅程嘅旅客仲可以得到高僧開光嘅佛牌及經書作為紀念呢！
