城大女生不治 新民黨員冒認家屬入病房 傳曾要求拔喉

自由講場
1


|100%xauto

AAA

城大化學系學生、保良局李城璧中學校友鄭如妍，本月初因患急性肝衰竭，急求換肝續命，但其後出現嚴重腦水腫。其親友透露，如妍今日（13日）獲醫生證實腦幹死亡，家屬決定拔喉，如妍延至今日下午5時許宣告不治。

如妍朋友指，今早疑曾有一名新民黨黨員冒認家屬進入病房，亦有傳該名男子曾自稱為新民黨主席葉劉淑儀助理，亦疑曾向醫生要求拔喉。葉劉回覆《蘋果》時承認，一名黨員曾往探望如妍，指對方是如妍母親的同鄉兼鄰居。對於有傳涉事黨員疑曾向醫生要求拔喉，葉劉稱：「呢啲你問佢啦，我點知啫！」

如妍尚未離世 冒認家屬男子傳曾逕自宣佈死訊

今日中午時分，網上流傳如妍因病情惡化於中午前已離世。有網上消息指，該名冒認家屬的男子疑逕自對外宣佈如妍死訊，惟當時如妍尚未離世；亦有流傳指該名男子疑曾自稱為新民黨主席葉劉淑儀助理，亦疑曾向醫生要求拔喉。

新民黨未有正面回應該名男子是否黨員或葉劉淑儀助理，僅否認「葉劉淑儀助理」要求醫生為鄭如妍拔喉，指葉劉及新民黨不認識鄭如妍及其家人，亦無派員到醫院，向如妍家人致以深切慰問。

《蘋果》之後再就該名男子身份追問新民黨，包括該男子是否黨員、該男子是否曾要求醫生拔喉或擅自宣佈如妍死訊、及黨內是否知悉該男子的行為，惟新民黨均拒絕正面回應，僅稱該人不是葉劉助理，沒有其他補充。

葉劉承認黨員曾探如妍 拒回應拔喉傳聞：無興趣了解

新民黨主席葉劉淑儀回覆本報時承認，黨內一名成員曾到醫院探望如妍，據她了解，涉事黨員是如妍母親的同鄉兼鄰居，協助如妍家人，亦非受她指派而到醫院，「無咩回應，呢啲係佢嘅個人行為，佢唔代表我」。

至於有指涉事黨員疑曾向醫生要求為如妍拔喉，葉劉重申不會評論黨員的個人行為：「呢啲你問佢啦，我點知啫。（你有無了解過？）我無興趣了解，呢啲係佢嘅私人行為，吓話？唔關我事，係佢自己個人行為，佢並不代表我」。被問到涉事人士在黨內的身分及會否詳細了解事件，她則指：「係一個好普通嘅黨員，佢私人行為我哋唔評論，佢絕對唔代表新民黨」。

2

關佢地咩事 點解要咁做！？
Btw RIP :pleading_face:

1個讚
3

好奇怪！呢個女仔係咩身份呢？

2個讚
4

點解要咁做?

2個讚
5

細心諗呢一個人又唔出名，若果佢自己從來唔透露自己係乜政黨，人地根本點會知佢係邊個政黨呢，
究竟嗰啲三唔識七人地又點知佢係為邊個政黨服務？

有理由相信呢個人已經利用咗佢自己個政黨個名做一啲連黨主席可能唔知（又或者有人吩咐？）嘅嘢。

唯一洗脫呢個嫌疑就真係要睇個主席從紀律方面點處置呢個豬隊友。

1個讚
6

人地用黨嘅名義去做事，黨主席好難話唔關自己事，唔關個黨事架播…

2個讚
7

一貫建制模式，淨係割蓆
以為割左就真係唔關自己事、唔影響黨嘅聲譽⋯⋯

8

所以彥霖妹妹有假冒親戚，一啲都唔出奇

9

呢種人好難有下屬信服，把口又唔收，技巧咁差，就算唔關你個黨事都唔係咁講野吧。唔怪之得袁氏兩公婆都離棄佢

1個讚
10

該主題在最後一個回覆創建後30天后自動關閉。不再允許新的回覆。