係呀，我同老公當吹水咁吹都有講過如果真係打仗，大家點樣帶埋個細嘅走架⋯⋯
1個讚
我同老公同你一樣有甘既擔心
老公又係好驚做唔好爸爸既角色
不過最後我地中孖B
都係決定左要
唔要對我地黎講仲難決定
其實每個時代出世既人都有各自要面對既問題
最緊要係咪夫妻間有共識肯一齊面對
3個讚
我理解主流觀念，生係default,落仔好似唔啱咁
不過我個人覺得落仔先應該係default, .真係好想要bb，又有能力先好生，當然未準備好生都應該避孕 （我冇宗教，認為早期胚胎只係細胞，沒有思想，唔覺得落仔有咩道德問題）
生個生命出黎負好大責任呀，又要錢又要時間又要心機耐性, 仲要希望個小朋友將來會想生存，而唔係覺得人生好難，想從未出世
真係唔係意外有左就要咁簡單
當然大部分決定生嘅夫妻都有決心負責任
我只係希望大眾唔好覺得墮胎好似好唔道德咁
我認為未準備好而造個生命出黎更唔道德
2個讚
最緊要同老公有共識，傾好晒再決定。冇人會100% ready做父母，好多野都要經歷過先會學識。只要兩老婆想法一致，總會有方法解決。如果你地只係因為社會問題唔想生，但其實又有能力送佢去外國，咁問題唔大。如果你地係由始至終都唔想生，討厭小朋友，咁就真係要好好考慮喇。
我自己係奉子成婚，結婚果陣兩公婆都仲讀緊書，但都冇諗過唔要，因為本身都諗住畢業後做幾年野就結婚生仔，只係計劃提早左幾年。呢條路的確係行得好辛苦，我地自問亦唔係一開始就識做父母，亦有好多做得唔夠好的地方，而家小朋友都讀小學喇，苦樂參半，但都冇後悔。
2個讚
唔好意思，其實我覺得唔好係網上問呢啲問題會比較好
網上咩人都有，講到呢啲話題好容易被傳統觀念/道德綁死，而忽略左事主自身既因素
啲人成日都講中左係上天安排、唔生會遺憾、未生過唔明小朋友為自己帶來既快樂係邊、本身唔鐘意但生左就會鐘意等等
呢啲全部都係case by case，生完後悔既媽媽我相信為數不少，但好少會上黎呻，打出黎俾人狙擊都似
最緊要係取決於自己對人生既priority、社會既不穩定性對自己價值觀影響有幾大、仲有自身資源/配套如何，可唔可以支援到自己照顧個小朋友十幾廿年
如果自己冇做好避孕今次就當俾個教訓自己啦…
5個讚
感謝你咁敢言，我覺得你講得好岩
真係千其好好信話生左出黎就會鐘意
唔想生冇準備生，唔該要做好安全措施
1個讚
其實亡國都有好多po, 好多人話俾佢再揀過唔會生
後悔唔係因為唔愛個小朋友，而係太大責任，同冇左自己人生，或者同老公關係差，但因為小朋友又好難離婚，或者覺得小朋友將來嘅人生太難
外國會多啲人分享後悔感受
https://www.reddit.com/r/regretfulparents
1個讚
如果樓主同老公本身都冇乜意慾生小朋友
突然有左好容易會因為呢幾日既諗法一時衝動
你諗下前果幾年甚至十幾年都唔想有小朋友，唔好因為「既然緣分黎到就照要」
1個讚
Reddit都有人分享，個分享者不嬲都唔想要bb, 但係意外懷孕，荷爾蒙影響令佢變得想要bb, 不過佢同老公知道理性上佢地不嬲都唔想要，佢地仲book埋機票酒店要去外地墮胎。因為本地唔合法
Turn out 小產左。過左一排分享者話佢變返唔想要bb
佢想講嘅係荷爾蒙係會影響個腦：
HOW I CONFIRMED HORMONES CAN FOOL YOU INTO THINKING YOU WANT KIDS (BUT YOU REALLY DON’T)
利申，我冇話樓主俾荷爾蒙影響，亦都冇話樓主要生bb係唔好，不過想樓主留意會唔會有荷爾蒙影響理性分析嘅情況出現
2個讚
叫人生好易呀，好聽啲嘛： “生命黎架喎，天賜架”，又唔係佢生佢養佢湊，唔駛負責任
希望任何人有左，都唔好有道德壓力，覺得要生佢出黎先係正確
1個讚
如果無心無資源湊, 亦都唔擔保自己將來唔會將人生嘅不如意歸咎於佢, 真係唔好生。
我真係見過, D不負責任家長怨小朋友: “當初唔係為左生你呀, 就點點點…, 生你真係累左我…” 對小朋友係極大傷害加侮辱, 呢D人唔應該做人父母
2個讚
多謝大家既建議，大家説了各方面既看法，也是我想知道的，意外來既時候，我怕考慮不清楚。不過經過呢幾日既考慮加老公的商量，最後决定要了這個孩子。
因為剛買了而家住的單位，沒有住屋的問題時，孩子就來到我們身邊，也算是一個天意，加上我地唔想生最大既原因是香港的敎育制度和呢幾年香港發生既事件。怕小孩未來難走，我倆都想移民，自己都搞唔掂仲多個小朋友，所以决定小孩子大就送佢出去讀書，就自己在香港捱
有時計劃趕不及變化，决定就要行到底，不能後悔，所以一開始就更迷惘，所以上來問大家的見意，多謝大家
18個讚
樓主, 恭喜你, 希望你一家人開開心心迎接新生命!
我自己就覺得生小朋友係我一生其中一個最啱嘅大決定, 好多時面對低潮同不快都係小朋友比左力量我, 令我想做一個更強更好嘅人; 亦因為佢我同父母關係好左, “養兒方知父母恩”; 亦因為佢我先知原來我可以咁愛一個人, 無小朋友係好難想像
4個讚
對抗滅絕嘅最佳方法，就係生仔
我講就易…
不過的確唔容易
♂respect
2個讚
其實可能我用錯字眼，我老公意思是尊重我個决定，因為佢認為辛苦懷是我，佢最多是之後幫手照顧，做家務，付錢，但十月懷胎是我，之後辭職照顧是我。佢怕我唔想要因為佢而要。
我同我老公拍左9年，年頭才結婚。
我細個果時都喜歡小孩子，但看見香港既敎育，我真的不希望晚晚見佢温書到深夜，冇一個快樂童年，加上香港好多港童，見佢地比爸媽湊到又冇家教又冇自理能力… 久而久之，就唔想生。
我老公就見呢兩年香港情況，佢唔想孩子在呢個環境下成長，未來越來越難行，都打算唔生。
但而家有左，就覺得得來不易，只能用辦法解決，如去一些冇禁痴線既學校or國際學校or出國。我不是要我個小朋友做頂尖既人，只希望佢開開心心，有想法既人，唔想腦子永遠是書本既人
2個讚
你保存呢個初心, 佢嘅快樂童年係你可以給予
1個讚
加油呀 唔跟社會主流咁raise小朋友唔易
勿忘初心
1個讚
保持初心就可以了
加油
1個讚
加油
祝福順利
樓主，恭喜你，兩公婆好好傾然後實行嘅決定一定最好，祝你一家身體健康，幸福快樂