同老公原本唔打算要bb，所以無特別去做身體檢查，但今個月遲左黎m，用左四支驗孕棒都check到有左，琴日去左家計會check有左7週
想問下大家點樣去決擇生定唔生？
我前日晚check到果刻嚇親直接想唔要，但琴日冷靜左又覺得我倆冇經濟壓力，冇理由落左佢，上天安排好是否接受佢。但今早我又諗我是否接受到，準備到佢既來臨，我照顧到？我好矛盾？
2個讚
你老公唔要喎~~最快答案係你問返你老公而家有左要唔要,講佢知你而家情況!唔係上嚟 bd 問 
我哋 bd 既人唔係你老公,又唔會幫你養同湊,幫唔到你做呢個決定架! 
你問左老公佢話要或唔要,你先1516啫!你都未問,快d 再問下 
6個讚
我老公第一個知道，就係大家一開始結婚時大家有共識就是唔要，但我地從來都冇諗過有意外有左點算。佢就話睇我想點，佢話冇所謂。
1個讚
無得無所謂喎!人命嚟架!生出嚟,佢就爸爸,要湊比錢唔難,但好辛苦架!半夜要餵奶掃風,都係基本野!
唔知你屋企經濟狀況,除非你有錢,就算有工人,好多野都難取代爸媽角色架…
叫佢諗清楚好喎!咪拖啦!趁而家要唔要都仲有得諗
2個讚
大家一齊做決定，冇得「無所謂」
男人真係易啊，一句「無所謂」乜都唔洗理！
到頭黎又一句「係你話要生既」將責任推得一乾二淨！
長痛短痛都係你，你都要為自己着想！
唔想要係咩原因？唔鍾意小朋友？唔想長期負責任？
生命，請三思！冇人可以教你點做，因為條路始終都係你同你老公行既！
11個讚
最基本野,問返佢,會唔會半夜起身換片餵奶掃風,又唔嘈醒你?會唔會陪你搵學校,interview 入學面試?會唔會陪佢玩、陪佢食?分分鐘要佢做柴可夫司機成日湊上湊落…呢 d 位,工人唔幫得你2公婆幾多!
都無理由叫工人搵學校再同你面試架?
就算工人肯帶上帶落同咁好半夜起身晚晚餵奶掃風都咁話
6個讚
要陀要湊都係夫婦要面對既問題，你地兩個要商討清楚，簡單如你湊定長老湊定工人湊呢d問題已經好基本，你可以考慮清楚生兒育女要承擔既責任。
3個讚
我不嬲都麻麻地想生，前幾年佢就好想生兩個，但自從呢兩年社會唔穩定，教育制度唔好，唔想害左佢，傾過之後就决定左唔生。
但而家又突然有左…
1個讚
琴日傾過如果要，我就下年年頭辭職，到個小朋友上幼稚園我先再揾工，屋企四大長老就會星期六，日幫手照顧一下比我休息
3個讚
你有想法同安排,但你先生… 
你有無將呢 d 想法同佢傾?佢點講?
2個讚
呢d是琴日同佢傾出來
2個讚
咁佢都有 solid 諗法,唔似你所講無所謂喎 
你再問下佢,成日要半夜起身餵奶,同要陪玩陪教,得唔得先?最基本野
其實得,你哋又安排到,無乜理由話唔要,你都似有 d 心郁郁想要啦! 
有啲嘢，未曾擁有唔知道係最寶貴。
10個讚
咁其實佢應該都係鍾意小朋友既人！
香港社區環境改變令佢改善！但其實依家有好多出路啊！我女有同學仔講左1年左右，已經準備好3月移民英國！如果因為咁樣放棄bb，我就覺得有啲可惜囉！
都係個句，條路係你哋行，你哋先有權選擇自己既路！
4個讚
心平氣和同老公傾下先, 如果生之後真係有好多野要諗, 邊度生B 湊仔 供書教學, 但兩公婆無小朋友, 幾廿年後會唔會你眼望我眼, 相對無言?
上天俾你地有呢個B, 其實好難得架。。。 我有朋友試左好多年都無, 又有朋友小產左好多次先有一個生得出, 呢個週末試下搵有小朋友既親戚朋友食餐飯, 睇下係唔係真係好唔鍾意?
2個讚
因為前日用驗孕棒check到，琴日佢就請假陪我去家計會再睇。所以一整日都在商量。
因為佢知我係生果個，所以佢覺得應該尊重我既决定
但我好怕，生左我會後悔，我怕同我期望唔同，我又怕生左我先後悔對個小朋友唔公平
我覺得呢個决定影響一世。
但而家有左是否天既安排，我應該接受？可能唔係我想像中禁複雜？
係人生好重大決定，係一世責任，生完之後後悔都無得放返低。
兩人有工作及儲蓄，又有地方住，養一個bb係唔難。
我大仔都係意外有左，當時我心理上未ready都有一刻想唔要，但老公好堅定一定要，我就專重佢。到第一次同老公去產檢時，聽到bb心跳聲就決定揹起呢一世責任。
當你決定唔要時就輕鬆，入手術室就解決一切。
但決定要時就明白由陀bb至bb順利出世就經歷好多難關。
我哋幫唔到你決定，想清楚後做自己最適合的決定。
3個讚
‘我老公第一個知道，就係大家一開始結婚時大家有共識就是唔要’
‘我不嬲都麻麻地想生，前幾年佢就好想生兩個’
樓主你話結婚有共識唔生,但前幾年你老公又想生2個…你老公仲乜由唔生變生又變無所謂?咁善變既 ,變化好大喎,問清楚你老公好 d
1個讚
佢話佢會，雖然呢啲要到時先至，但我覺得佢會係個好爸爸，掉轉我唔知我做唔做到好媽媽呢個角色
1個讚
佢幾年前想生，但我地今年年頭先結婚。而家年尾有左
我地是唔想生，但意外有左。
1個讚