我哋都係近排先知道, 原來真係有呢種簽證。
之前有聽過日本有中小學留學簽證，但係實在太少人申請，一直都唔知道有冇人成功。
上個星期訪問沖繩英文私立學校，原來裏面有幾個學生都係揸住中小學生簽證。
雖然唔可以直接攞得永住，但係如果日本讀完書，其實搵到份工留低好容易。
7個讚
真係估唔到喎
呢個簽證算好新, 2015 先至出現。所以好多人都唔知道。
上次同校長傾偈，顛覆咗好多對日本學術嘅嘢。原來日本同以前已經好唔同。
我都係上個月先知有中學簽證, 但唔知小學都得。
我最初都想安排阿仔讀高中, 仲想長遠 d 佢可以讀埋大學, 在日本搵埋份工, 識返個日本女仔, 落地生根, 但身邊好多朋友都話日本旅遊就好, 讀書都OK, 但要工作就唔係人人頂得住, 做到外資公司還好, 如做返日資, 好大壓力, 叫我唔好諗… > <
供佢去英國又唔夠錢, 用5+1全家走又掉唔低長老, 眼見香港一日比一日壞, 真係好無奈… > <
畢咗業, 由佢哋自己決定去邊度.
想當年我阿媽帶咗我去加拿大, 點知因為女朋友所以返香港. 最後選擇去日本有零開始。父母幫咗佢去第二度讀書見過世面，我覺得已經好足夠。
如果你讀國際學校, 中文英文日文, 三種語言. 好多地方都可以生存得到.
3個讚
真心唔想佢讀完書撈唔掂要返香港，香港已經容不下年青人
你唔會知道將來係點。
可能因為有語言嘅advantage, 去咗日本香港以外嘅地方做嘢。例如台灣。
過去幾年認識唔少呢啲人。
3個讚
我既想法一樣
1個讚
日本高中讀國際班，知唔知學生既英語係咪keep 到呢？
到大學時，係咪都係搵國際班好d ?
thanks
要睇你間中學. 日本有啲中學英文水平其實好高, 未必去到美國個鐘native level流利 但係直接可以入到美國加拿大大學. 起碼寫出嚟冇問題.
無論乜嘢地方, 冇一間學校係完美. 香港嘅名校, 出嚟嘅英文同埋美國公立學校都有距離.
咁就睇你着重啲乜嘢.
1個讚
其實大嘅日資企業宜家好嚴謹，好多夠鐘就熄燈趕人走，因為之前出過太多事故，「過勞死」企業係要上身
但如果你期望個仔普通地入大學入大公司安安穩穩，首先大公司大部份人係嚟自比較出名嘅大學，然後要入好大學，高中要考「進學校」，要考進學校，要花錢補習同自己要努力
所以我認為諗日本返工壓力言之尚早，不如諗吓想要點嘅教育同想仔仔行一條點嘅路
2個讚
係呀，其實日本工作文化已經慢慢改變，尤其是武漢肺炎之後，多咗好多公司願意work from home, 或者減少員工返公司嘅時間。
但係最緊要份嘢都係學業，不過名牌大學已經唔係萬能key. 越來越多人睇重社交, 調返轉, 你FB/IG 活躍啲, 公司可能仲會睇重.