我老公渣左十幾年車，我自己就無車牌既…
生左小朋友之後我地對車既態度分歧就越黎越明顯…
例如我地出去family day，去沙灘/ 佐敦谷/ 迪欣湖 etc. 因為car park full，佢會寧願留係部車度"睇車"，我地自己去玩，咁我地仲叫咩family day?
又例如我地住九龍，好日都唔過海，難得過海，想話搵間餐廳拍下拖食埋飯先走，佢話唔熟路唔知泊邊，結果又返去樓下食飯。
或者真係有需要撘地鐵，屋企行十幾分鐘到地鐵站，佢都會渣埋部車過幾個站先撘地鐵，佢話因為有轉乘優惠。
我明白渣車有渣車既方便，但係有時覺得為左塞車/泊車/養車，多左好多煩惱。
每次講呢個話題，老公話會我唔明渣車既人點諗.
唔想再因為車而嗌交，大家可唔可以點明我？
可能佢覺得揸車可以減壓
明, 我真係明
為左等車位就叫我去搵位先, 有時搵完位叫埋食埋都未見人,所以去市區寧願公共交通工具好過
你搞錯咗 佢架車先俾正印 你係二奶
我渣車出街第一諗就係有冇位泊車！
除非一家大細/出入大型商場，如果唔係坐地鐵/巴士最好！
我同你一樣，老公揸車，我無車牌。
可能佢覺得揸車可以減壓。family day同食飯個case平心靜氣甚至嗲d同佢傾, 例如揀d容易d搵車位嘅地方, 過海的話你預早搵定car park同餐廳。其他野你就唔好管佢咁多，enjoy做乘客啦。
我同老公都有車牌
我娘家住新界，搭車唔太方便，未嫁前我差不多日日都會揸車
到嫁左之後，老公住九龍，屋企附近搭車好方便，已經冇揸車嘅需要
再者，我住呢度，想搵個車位都難，附近又成日塞車，揸車反而唔方便咗
而家生左bb，都冇考慮要買車
行到去或者搭黨鐵去到嘅地方就推bb車，要搭巴士就用孭帶
最經常就係call uber，就算要摺車都唔會催你，可以慢慢攪掂先上車
近呢幾年除左去旅行會揸車之外，基本上都冇乜揸車
好慶幸我同我老公一致決定唔買車
搵位泊車真係好痛苦，寧願搭巴士或者Uber，少好多煩惱
泊車真係一個學問架!香港地地少人多,泊得車既位又唔係多,呢排分分鐘 popo 抄牌,比張牛肉乾你,就算肉痛幾舊水,都麻煩啦!
我覺得一切都係借口⋯⋯
我自己以前同啲男朋友都係揸車，知道揸車有咩方便唔方便。
唔熟路但只要有泊車sense有耐性都會搵到位，family day去遠處玩唔一定要泊到最近目的地，可以遠少少搵停車場泊完再坐車一兩個站到目的地，例如去迪欣湖可以泊東涌或青衣。
事在人為，樓主應該要重燃老公對屋企同你嘅熱情，一切問題都會解決～
結婚之後我地兩個都棄車，住市區，坐公交。
其實佢會唔會唔想同你地出去
我兩公婆都有車牌, 住新界, 日日用車
有時去沙灘真係多人, 要等位我都係自己同仔落去沙灘先, 老公等位, 但好少等到玩完晒都未泊到車, 泊好車老公join番又一齊玩, 我地又覺得無嘢
出旺區就一定唔渣車, 搵車位難/泊車費又貴, call車快靚正 
港島方面我真係好明, 我地渣車去港島都迷路, 但唔會因為咁就唔去港島, 最多咪兜下囉, 車行又唔係人行
香港有車真係好煩，車位已經少，仲成日塞車，所以我賣車唔洗再煩搵車位
我地 2 個都有車牌，平時老公渣車，沙灘/商場冇位會全家留係車度等，等到泊好車先一齊去。如果去深水埗買野，老公有時會留係車打機，我帶小朋友買完就上車返屋企
Uber解決晒以上問題
我覺得最緊要唔好為咗車而鬧交，有時可以就下對方
我係工作原因買車，假日多數唔揸，除非去熟嘅商場
我亦唔揸去港島（住新界），試過疫情期間老公唔敢搭巴士而想family day揸去港島，比我拒絕左，原因係會蕩失路，佢亦接受
但我鐘意有車，因為打風落雨好正，唔駛濕腳，係四大長老屋企拎嘢去／番嚟好方便（我試過車部電視去）
比我揀一定會keep住部車
完全明白, 同我屋企都差不多係咁。 好在先生都算多年假, 會趁學校假期叫佢請a.leave 遊車河 佢可享受駕駛樂趣又唔洗好似平常用末咁人多車多 
我每次family day出街，諗去邊度玩和食野時，都會諗埋架車泊係邊，同埋邊度有泊車優惠。如果果度無得泊車，就寧願唔揸車。
我自己因工作關係揸車，但假日都係老公揸。最好之前一日plan好去邊，去佐敦谷，獅子會果d就早點出門，去沙灘就去多泊位的。有小朋友盡量食第一輪，有得泊車兼唔洗等。無plan定一係去大商場，一係去效外。不用生氣
我老公有時都會提出想留喺車度、佢話想訓下。