我估BD應該好多jm無睇過火影
簡單講下
曾經宇智波族係木葉村入邊一個好多專業人士好多識講外語的精英群體
木葉村係一個極權專制的政府
但對宇智波族投鼠忌器
允許佢地有自己的貨幣、自己的立法會，
打住一國兩制的旗號承諾畀佢地高度自治
以基本法為憲法行使民主政治體制
當時咁美好的糖衣炮彈之下
宇智波族人就信左木葉村套一國兩制
答應回歸祖國懷抱
納入呢個極權體制作為國民承擔責任 
但好景不長
由於木葉村人妒嫉宇智波族太優秀
覺得佢地遲早會反政府搞暴動
於是開始立國安法並取消立法會選舉
改為由中央間接任命的臨立會
當時有一個勇武族人叫宇智波斑
佢已經睇到呢個一國二制已經玩l完
唔相信木葉仲會保障族人餘下的公民權利
甚至遲早會吞併並奴役整個宇智波族
徹底恢復變成一國一制
拉曬所有族人入集中營
終生為奴 
所以佢勸誘族人快啲覺醒 
用議會總辭作為抗爭武器
發動大三罷
實現全民勇武
一息尚存，抗爭到底。
宇智波，建國!!! 
可惜當時大多數族人依然對木葉心存幻想
唔願意放棄一國兩制下已經習以為常左二十年嘅優越生活
相信即使有國安法
唔隨便發表政治言論就可以無事 
繼續歲月靜好做豬 
放棄上街發聲與政府對抗
至於議員選擇堅守議會戰線
認為臨立會都仲有抗爭空間
所以寸土必爭
放棄左總辭的黃金窗口
紛紛同宇智波斑割蓆
從此宇智波斑就心灰意冷離開左木葉村 
後來木葉見宇智波族人已經放棄左勇武抗爭、上街發聲
再無反抗決心、鬥志盡失
於是乾脆隨便DQ議員 
進一步蠶食族人公民權利
加快推動一國一制的步伐
宇智波人直到此時才如夢初醒、悔不當初 
知道木葉根本早就心懷不軌
唔可能搞左國安法同臨立會後就會收手
承諾保住宇智波族所剩無幾的公民權利
於是當時的議員宇智波富岳
開始策動為時已晚的議會總辭 
企圖用delegitimize呢個臨立會
迫使中央讓步
撤回DQ議員的決定
保住十萬蚊份糧 
點知佢地換黎左一個點都無諗到的下場 
