拿我唔講咩國家呀，我怕犯國乜法
自己喺國內就死狗，一喺出面就投訴，一係用人哋司法制度去挑戰人哋傳統
好似喺香港，嗰啲人好識搵區議員呀攞法援咁
5個讚
出街食，難食梗投訴，分分鐘有著數啵。
係屋企食，你敢唔敢投訴自己老婆煮嘢難食？
俾舊屎你食都要話好味啦。
鬼叫你怕老婆。
係屋企忍忍埋埋，出到街係顛顛地㗎了。
2個讚
好好既比喻
嗱我冇教你可以殺左個老婆㗎。
最慘個養子，而家想離開被人喊打喊殺狙擊
從前有一對父母，佢哋係三個仔出世嗰陣非常封閉愚鈍潦倒，所以不斷被人呃錢，連間屋都畀人呃埋去，三個仔都畀養父母攞埋養，一養就養左過百年。好彩養父母突然心慈，第三個仔係簽左約，約滿就換返畀對父母。可惜三個仔畀外人養嗰陣，生活條件仲好過跟父母。最後約滿，本來冇必要交返大仔二仔，但三兄弟感情深厚唔想分離，所以養父母就好善心咁一次過送返畀對父母。分開多年嘅三兄弟同父母重逢，按道理應該皆大歡喜，但三兄弟唔太開心，因為當初係呢對父母放棄自己，而且親生父母咁多年都生活麻麻，反而跟養父母仲可以大魚大肉。
親生父母想撫平三個仔，就呃住佢哋話「你地可以繼續以前嘅生活」，甚至不斷送錢畀三兄弟，希望可以收買佢哋。但親生父母同三兄弟分開多年，生活同價值觀唔同，漸漸有衝突，於是親生父母就決定 cut 水喉，甚至禁足，然後話係三兄弟自己攞黎，只要乖乖留在家中幫親生父母打理生意，水喉就不斷有。三兄弟唔貪親生父母錢，想離家出走，去返養父母身邊，甚至係去養父母啲親戚到住。養父母就當然開心，因為養父母依家生意麻麻，三兄弟都搵到啲錢，可以供養佢哋，但又唔可以太明顯話要接返佢哋，因為當初佢哋都係親手送走三個養子，而且依家屋企嘅其他仔女未必一定鍾意三個養兄弟返黎。親生父母知道後暴跳如雷，成日話自己畀好多錢三兄弟，依家居然「生娘不及養娘」，所以想江湖封殺佢哋，希望佢哋死死地氣回家做乖乖仔。
如此同時，親生父母都生左其他仔女，有啲仔女對父母好好，話一就一，從來唔忤逆，亦覺得三兄弟非常不孝。但亦有啲仔女表面孝順，會跟住其他兄弟姐妹同父母鬧嗰三兄弟，但經常心野，會偷偷出街，結婚之後跟左老婆老公搬出去住，就開始數落父母，但可能因為父母一直灌輸三兄弟係忤逆仔，都不忙數落埋三兄弟。結果三兄弟依家綁手綁腳，唯有睇下養父母同其他親戚肯唔肯大門隨時打開。
故事到此，如有雷同，實屬不幸。
3個讚
該主題在最後一個回覆創建後30天后自動關閉。不再允許新的回覆。