小四，每日返屋食飯做完功課已經4點幾5點，之後我要預備晚餐佢去沖涼跟住食完晚飯已經7點幾8點，c6完全唔理佢學業連叫佢食飯食快少少收枱比我早啲洗碗之後可以溫吓書都唔合作，家常飯要食1個鐘以上，一路嘆電視一路慢慢食，我已經同佢傾過好多次，想佢食快少少陪小朋友溫習，佢個口話好，第二日已經又係咁，一嘈又係嗰句佢食飯用1個鐘已經好慢
小朋友成績已經唔係好，下年要呈分都唔知點追，我已經好有心教，亦都有補習，但做卷粗心就算明明識都求其答，已經傾過好多次，性格同C6一樣，乜都求其，乜都享樂行先，以為合埋眼做完就可以玩，之後再叫佢溫習一係喊，一係黑面發夢
我嘅情況係一個人要拉動一座山，得我自己去付出而其他人唔配合，就算我出幾多力幾多心機都係無用真係好灰
有無同路人可以教我點行落去？
5個讚
我小朋友細好多，不過好明呢種一個人撐住成頭家既感覺，彷彿屋企只有自己在努力，彷彿唔關佢地事咁
2個讚
小朋友有咩興趣？可唔可以利誘佢？
1個讚
食晚餐用1個鐘好正常呀,而家你小朋友問題唔係時間,係唔上心呀 
咁講真，你都已經盡力
資質呢樣嘢又無得改變
唯一可做就係自己改變心態，唔係個個人都讀到書，讀唔到書又未必無出人頭地嘅機會
6個讚
呢個係一個壞習慣
2個讚
試吓逐樣逐樣嚟，首先糾正左佢食飯睇電視嘅壞習慣先，你直接熄咗電視，要食完飯先俾睇
包保佢哋好快食完
然後就改正佢唔認真既心態，我以前細妹都係咁，明明係識但就成日發夢
最後要認真同佢傾（或者鬧佢）最好就困獸鬥要比佢感受到佢一日唔認真做佢就一日都要浪費時間坐喺度一直溫
同埋俾佢知道佢認真溫完書會有獎勵，例如有自由時間可以去玩，又或者可以送啲佢想要嘅嘢俾佢
3個讚
讀書係咁就係咁 好難迫
我仔都係小四 做事慢 又滋悠 同我完全相反
但性格係天生好難改
我成日同自己講再等下…
放學返到屋企幾點？
即係兩父子都吃一小時?
我屋企係星期
一至四,考試默書都唔開電視 
有老師講, 現在的小朋友個個都是聰明仔女,分別只係專唔專心,仲有一年時間,仲步來,做功課首先要睇清題目,做啱記得比多 的鼓勵,儲分,印,貼紙換小禮物,小四,五都仲有效嘅 
照顧自己嘅情緒最重要啊！
明白你一定緊張，第三者講咩安慰都容易，
壓力大不如試下適時放pair下？
管理好自己嘅情緒，你先可以幫到小朋友啊。
自己情緒唔好，多多少少都會影響身邊人，
加油呀！
3個讚
小四係咁
小六先正常返
但依家好後悔細個冇迫佢
搞到成績差左
試下食晒飯先俾睇電視
做晒野先有得自由時間
當然中間可以休息5-15 分鐘
認同樓上，一樣一樣慢慢黎！
男人(c6)，係要迫既！叫，佢轉頭唔記得！
首先唔準開電視食飯！
或者試下「俾佢揀」
一日一科溫習，俾佢揀想溫邊科先！
加油！
第一步係唔好電視送飯
講個秘密你知，自從小朋友染上睇卡通唔做功課的惡習。我家中電視一直失靈至長假期先得閒整。
3個讚
你呢招夠絕!我仲扔埋部電視,等佢無得心思思,放假先有得去嫲嫲到睇 
1個讚
長遠真係要教小朋友自律
因為上中學又或小六都管唔到咁多
我啲細路好喜歡去嫲嫲度，放大假咁款
1個讚
唉，我哋細個讀書冇人教但會自動波，不過一唔識就好煩惱，冇人問，只可以問班上面叻啲同學
而家啲細路完全冇物質問題，仲有媽咪喺身邊教都唔珍惜讀書機會
5個讚