本港新增7宗新型冠狀病毒確診個案，其中1宗是源頭不明的本地病例。患者是一名正等候遣返的中國籍女子，她在上星期三警方行動中被捕，警員當時發現她無合法居留權，於是將她帶返旺角警署，直至前日被帶到青山灣入境事務中心，逗留幾小時後，再轉到馬頭角羈留中心。
衛生防護中心指，患者被捕前，住在塘尾道東方泛達酒店，警方會再調查她的行蹤和活動。
首現staycation後初步確診 銀礦灣群組3人初步陽性 本港首現在酒店渡假staycation後初步確診個案，涉及一名26歲女文員，她曾於上星期日至星期二，與另外7名朋友，一同前往梅窩銀礦灣海景渡假樂園，分幾間房住，期間曾在酒店燒烤，以及去附近茶餐廳食飯。其中一名一同staycation的26歲男友人出現病徵，已經送院並初步確診。
防護中心指，女文員住在大埔圍頭村，平時會由家人接載她去黃竹坑香葉道上班，她亦曾與一名15歲男親戚食飯，親戚有病徵，知道女文員初步班診後，已自行前往急症室求診。這名男親戚昨日有與家人去拜山，最後一日上學是前日，衛生署會在他就讀的基督教香港信義會心誠中學派樣本樽，並建議學校停課14天。
Staycation群組
連staycation都冇埋就真係連少少度假feel都冇
終於出現了…
依家先出現經已比想像中遲…
係,我仲有朋友去酒店玩,同小朋友攪生日會,真係好癲 
其實2個人一間房應該冇事…你十幾人一齊玩…
一向覺得酒店好污糟
同意。加上如果係食自助餐，仲易（不過我唔知而家啲自助餐是否好似舊時咁，自己出去夾）
係呀, 不過一定要戴住口罩出口攞
其實真係好多，平時出街又超嚴謹，按電梯都包到密，但又會去酒店係咁玩，入房一定唔戴口罩，但又確保用品會乾淨？
床舖，廁所都未必乾淨
其實果時維景都連環爆，仲有帝x要清場
大陸d5星級酒店之前比人踢爆床單唔換淨係執返好張床，一條毛巾抹哂成個廁所包括座廁，好恐怖
去staycation我都可以接受, 如果守規勸2-4人/房, 我OK… 如果開趴地, 搞宴會, 仲要係小朋友, 我都會覺得癲同自私…
係呀, 不過離開個位就要戴口罩.
我睇報導, 呢個女人唔知佢幾時入境… 佢偷渡嚟做雞??? 依家大有人偷渡嚟香港架咩?
梗係有啦，連越南都有大陸人偷渡過去了
隨時澳門賭場搵食果班都走來香港
其實預左 staycation 一定會出現…
呢啲人咁樣聚埋一齊玩…
應該係逾期居留。
好耐之前壹仔有報導過，通常留一段短時間，返上去之後再申請落嚟。
哈哈，果d只會乾淨自己。包密就去邊都唔care。