BB兩個月大，大部分時間人奶，一日得一餐係奶粉，埋身餵食得夠耐，中間同結尾有掃風
但仍然久唔久會肚痛，好典型兩腳縮起肚脹脹勁yang對腳痛苦狀
搓肚按摩、雙腳單車運動，各種轉移視線方法都試過
唔多有效，差唔多次次都係捱過
見佢痛得好辛苦好慘唔忍心
有冇媽媽有好建議？有冇啲安全俾BB搽嘅嘢係有用嘅？
老人家話用保心安膏嗰啲但係有薄荷，我驚佢「喇」⋯⋯ 
有啲bb肚仔按摩好似可以幫到手
如果痛得密，帶佢睇下醫生好啲喎？bb有冇 便便去？
肚風既話可以用花王蒸氣眼罩zip係佢衫同衫中間暖敷 （要keep住摸下會否太熱）
一路敷一路打圈按 好有效
可以比下肚風水
但at the end of the day都係挨到3個月就冇事架啦
1個讚
呢個應該workable, 試下先！
成日都按架喇
未痛已經按定先（知佢容易痛，想佢放下啲屁無咁辛苦）
痛嘅時候佢忟到咩都唔俾、推開
我都估到大多要死捱架喇
不過見佢扭得咁淒涼睇下有冇咩我未試過試下幫到佢少少都好
我又幫唔到佢痛⋯⋯ 
試下放佢趴喺度一陣？
唔敢，佢已經喊到好似抖唔到氣個面紅晒咁
試下沖個暖水涼？
1個讚
肚風水掂架!