可能有人唔知咩係返利網，簡單講下，就係網購前，透過呢啲返利網再link過去你想買嘢嘅網站，當買嘢之後，就會有你購買金額嘅x%返利(回贈)。
呢個玩法其實唔係新嘢，外國一直有，但係我見身邊好多朋友都有網購，但係就冇用返利網。明明只係禁條link過去就有回贈，咪當多個折扣囉，唔知點解就算話比朋友聽，佢哋都懶得用。
疫情期間網購多左，今日終於收到晒啲返利，夾埋都有百幾蚊美金，即係回左成千幾蚊港紙，咁都幾好呀。
介紹下我用緊嘅返利網：Topcxxhback (中間係$)
有得返利嘅網店公司：
-各大歐美百貨公司: selfridges, harrods…
-iherb有時做10-20%返利，仲可以用埋iherb本來做緊嘅優惠，加埋最高可以去到6幾折，不過唔係成日有
-各大國際酒店: IHG, Marriott…
-其他：Nike, m&s, dyson, apple…
點解會咁著數嘅咁佢哋賺啲咩?
Asiamiles都有呢樣野好耐
最近聽朋友講rakuten都開始左
樓主講果個第一次聽
我主要用asiamiles果個多 但十次有五六次都唔記得入AM click… 
其實都係advertising姐
原理就同搵kol賣廣告一樣，個kol幫你做業配，再比個優惠code啲followers買嘢有折扣咁。
呢啲返利網就係through佢網頁搵客源，個返利網會幫佢做宣傳，最後客人買左嘢就有回贈，其實就係差唔多嘢。
呢啲返利網都會再搵kol做業配架（利申：我唔係kol）。我有玩酒店會籍同儲飛行里數，都係follow左呢啲kol先知有返利網。
知道好耐有呢樣嘢，但係冇呢個習慣就永遠都唔記得用。
第一次聽
入去睇過, 請問是不是如在內裏的商戶買過野, 就click入去申請就得?
係買之前定之後做?
第一次知
即係買之前click 去利網再direct 返去 say selfridge ?
唔洗特別申請架，總之就係㩒條link跳去你想買嘢個網站，你買左嘢之後會自動追蹤到張單，幾日後就會向你嘅返利明細度見到「待返利」
如果兩個星期都見唔到張單，先要手動申請
最好用desktop落單，因為聽人講用電話落單成日會追蹤唔到張單喎
Yes，不過預返利啲錢唔會咁快可以轉走
我8月farfetch買左嘢，到10月尾先可以拎到啲錢，再轉去PayPal，不過都返左千幾蚊
第一次聽，好似幾好，間唔時都會買iherb,下次落單果陣試下先。
用返利需要有paypal?
其實經paypal付款同就咁用信用卡付款有咩分別？
我iherb見到paypal好似無額外手續費，又好似見過第二度要俾手續費咁
個PayPal係用嚟張啲返利轉返做錢，唔洗用PayPal付款架。
返利網返利-> PayPal acc-> 自己銀行戶口
幾年前有註冊過，不過之前唔係成日网購，遺忘咗
依家有冇特別嘢？？？
咁即係邊條link, 可唔可以放出來?
因為唔知你想買咩，用呢條link示範先
https://www.topcashback.cn/nike-hongkong/
直接㩒紅色條bar「去購物 拿返利」
就會link左去Nike官網，tcb已經紀錄左，你落單買嘢之後，就會追蹤到你張單，幾日後會向「返利明細」度見到
記得買嘢前註冊左先
第一次聽返利網
間唔中會去iHerb買野
下次試下先 
係咪用信用卡比錢個rate會靚d ?
好似喺Paypal轉錢去銀行戶口要多過HKD$1,000先唔收手續費
Yes，我會轉左去PayPal先，儲儲埋埋一次過轉去銀行戶口