有什麼車搭?我不是映灣園住戶, 能否搭村巴?謝謝
可以喺地鐵站隔離個巴士總站，搭S56或者37。村巴好似要出示住戶證先搭得。
東涌港鐵站向outlet方向出 ，坐37有站喺映灣園下車。
唔該, 我想搬去映灣園, 那裡好住嗎?無車,老人家出入方便嗎?
謝謝,我想搬去映灣園, 那裡好住嗎?無車,老人家出入方便嗎?
東涌空氣差
多謝提醒,我還以為對著海會好
對著大陸，空氣好差。附近仲要好多地盤。
向南既會好好多。
老人家出入方便，有車去到東涌站買餸，行街，不出屋苑，附近都一應俱全。
大人返工方面，視乎你之前居所交通情況，如果你之前住地鐵站附近，咁就會認為唔方便，因為去地鐵要坐一程車。但出九龍及過海，樓下就有巴士站，有E21A，E23A等等，環境好清幽，對比市區人多擠迫，多到踏死蟻咁，東涌係好舒服，人口密度低好多，屋苑附近又有好大好大公園，老人家，小朋友去放電/做早操就一流，北大嶼山醫院喺逸東邨，位於東涌另一邊，嗰個醫院少人等到不得了，排隊都好快，有時診所醫生多人，工人姐姐會去醫院睇。
屋苑入面有小商場，可以應付生活所需，行去昇薈，屋邨嗰邊都有食肆同其他小商店。
老人家平時可以行去文東路有圖書館的公共設施，其實東涌係一應俱全，依家仲有埋戲院，只係校網內的學校無市區咁好，所以我為左小朋友就搬回九龍，我都同老公講我哋退休搬回東涌
生活寧靜，好寫意。
你入面望下環境先
海嗰邊依家係個大地盤，填好大面積起新樓，公屋，居屋等等
地盤聲都要考慮，發展不是短時間。我住嗰時封左海邊，未感受到很大影響，唔知依家變成點。
我唔係住嗰邊，唔係好清楚，不過有時過嗰邊行，都幾舒服，人少嘛，好清幽，環境都唔錯。村巴好方便呀，老人家坐車應該無問題。
不過我都建議你入去行下睇下，現場實景感受下先，就會知適唔適合鍾唔鍾意。
多謝您詳細介紹,我本來15,16,拿不定主意,聽到您寶貴意見,我會和家人入東涌看看,謝謝
多謝意見
Okay
再請問 ,映灣園向海是否很大風?向後面馬路,車聲嘈嗎?是否很大塵?長者多問題,不好意思,TKS
租住過東環一年幾，都覺得其實東涌幾好住…交通比我想像中方便 (本身由細到大都住九龍市區地鐵沿線)…巴士出荃灣 旺角 甚至過海都係屋企樓下一程巴士，青嶼幹線又好少塞車，係可能班次疏少少囉…環境真係舒服嘅，雖然空氣真係差嘅，但樓下好大個公園 好開揚，成日都好好風，又多外國人住，樓下又多人放狗，有時覺得好似去咗外國咁
(除咗東薈城入面就會好多蝗囉) 映灣園自己個商場仔其實都有哂d基本嘢，行過東薈城都係10分鐘內(睇你住邊座)…係街市算遠少少，最近應該係迎東 但幾細吓…富東就要搭程車喇…仲有一樣嘢係 我覺得東涌好多蚊
Overall 我都覺得東涌係幾好住嘅，當然你真係要親身入去感受吓啦…有朋友住映灣園就話覺得屋企牆身隔音比較差 有時會聽到隔離屋d聲 同埋屋苑d設施都少少舊喇…其餘嘅嘢都算唔錯啦 性價比Ok~ 我都去過佢個會所泳池游水 真係好大好正
感激,有您的經驗分享,要再和長者商量, 
其實向唔向海都好好風因為嗰邊平時都好好風，好涼爽，有時大風到房門，大門自己澎埋左，但因無遮無擋，曬都同樣好曬。
車聲唔嘈，人車都比市區少，唔嘈。
依家有地盤做緊，大塵就少不免，每日吸一次塵，閒時開下空氣清新機。
認同！ 疫情前成日有機師，空少等巴士，好養眼
地方空曠令放假時去左外國咁。我都好少出東薈城，假日太多蝗。
後面一座山，所以多蚊，東涌好適合住。
好懷念
我今日去看過外圍環境, 好中意, 知道有凶宅, 但上網找不到准確單位, 有什麼途徑,可以知道呢?