我估好快會發生響我身上。呢個CASE大家會唔會企硬？我就仲未諗到。
引申到處理愛國教育同中國近代史嘅衝突，應該會係一個挑戰。
我細過果陣就選擇做韋小寶，跟老師唔俾呀爸知，升左班再算。
From FB
//唔止中文字，英文字都捉
小一啊女跟書寫左紅線個個y
老師圈錯，要寫佢個個（箭嘴指住）//
呢啲一係就搞大佢，一係就忍唔理佢
冇中間
1個讚
俾我就直接打去學校吊條教畜，你本作業係咁樣寫，小朋友跟又咩錯，要改就叫出版社改
呢個係印刷體同書寫嘅分別，小一學校係跟標準教小朋友「正字」，其實唔止英文，中文都一樣。到三四年班小朋友寫字有少少唔同老師都唔會再執架喇。
如果想息事寧人，就話比小朋友知老師想教佢「正字」；如果心有不憤，除左叫老師比佢岩之外，都可以考慮叫老師自己上堂同學生解釋清楚。
唔係下下要同老師開戰嘅。
5個讚
呢個會跟學校改，因為印刷字係同平時寫有分別。 再引申既愛國課程，其實全港都會一齊推廣，除非轉讀私校，先可以避免，所以費事同老師嘈，因為已經唔係學校或老師可以做主既事。
可以堅持都想堅持，尤其是我嘅學歷唔會差得過教佢果過，教學雙長麻。
不過諗起個仔要響間學校踎幾年，息事寧人係唯一方法。所以我當年都做韋小寶。
唉，我個女岩岩升小一，就俾老師捉呢啲「錯」字！
個人認為好無聊！但都係心裏不滿only！
寫字呢D跟老師教法比較好
我個囝都試過俾老師執「正字」。中文，上網搵過《香港小學學習字詞表》咁上下既野。
有問題未問下老師囉！
下下講「教畜」、又話「學歷唔差過老師」，似乎激動左啲呀！（心直口快，唔好介意）
3個讚
我同學校交過手，老師們好坦白同我講，係教育署規定，如果佢哋唔跟，萬一有家長投訴老師唔跟，咁老師就有麻煩…
我會教仔寫返老師果個y，
同時解釋畀仔聽，學校要咁寫，但出面可以寫另一個y。
同樣中文我都咁做。
5個讚
唉，我個女岩岩升小一，就俾老師捉呢啲「錯」字！
個人認為好無聊！但都係心裏不滿only！
香港教育就係咁無聊白痴，要靠我哋加以解釋。
同女女解釋，總之功課默書要寫老師果個。
6個讚
認同！
整埋啲無聊野要人守「規矩」
抹煞創意
果d仲係唔識變通嘅規矩！
我問過羣/群，今年教群，下年教羣，
係咪下年寫群當錯先？
老師答，係…默書功課寫群就係錯…
真係好痴線。
2個讚
呢啲通常都豪俾佢 冇咁無聊
其實好慘、因為小朋友點都會因為老師圈佢錯而有挫敗感、香港教育就係咁、消滅咗小朋友自信
老師眼中改錯用紅筆打個圈比個
係好平常嘅事，但係如果學生成日收到 尤其是呢啲吹毛求疵嘅錯誤，其實係好打擊學生嘅自信心。
以前讀書有位外籍老師，佢從來都唔用紅筆改文，佢話唔想改我哋啲essay改到好似佢吐血咁紅卜卜成張紙紅晒，雖然改我哋華人嘅英文essay真係會吐血
3個讚
唔係呀嘛，你個女個老師
以扣人分為樂嗎？ tree gun
我覺得呢D情況下個老師可以指出應該寫個正字，唔洗一剔一點扣分。 初犯嘅話唔需要咁囉
真英文國家反而唔會set咁多無聊規舉比自己母語
