張敬軒朝朝齋食包同粥斷電 封工人姐姐做早餐界KOL

自由講場 影視娛樂
1


|100%xauto

張敬軒連日在IG出po公開每天的早餐，配以貼切抵死的形容：「那尊金燦燦 #爛溶溶的腐乳」、「那碗杰撻撻 #凍冰冰的白粥」、「那脆卜卜#黑掹掹的牛角包」、「那白雪雪 #乾爭爭的特選麵包」、「好多朋友仔問我今朝塊方包點解有手抽嘅？我諗阿遮遮諗住我返工食早餐嘅時候方便啲啩。」一星期有4日都食包的軒仔，連IG頭像都換埋袋裝方包自嘲，封工人姐姐做「早餐界KOL」，網民睇到笑爆嘴。

故事發生於半個月前，軒仔將之命名為「小男人大週記之我的姐姐AHMAYSING」，他指家中新來了一位姐姐「嬋嬋/遮遮」，「她和藹可親，溫柔有禮 #笑騎騎放毒蛇」，那天他的早餐，是一大碗白粥和兩塊腐乳，「出門口時，我發現整個人輕飄飄的，好像沒有吃過東西一樣。」第二天，以為食法式早餐的他，聞到一浸濃厚的燒烤火燭味，「想不到姐姐這麼用心，真的用炭燒牛角包，嗯！那是我婆婆的味道 #她已於1970年過身」。

昨日，軒仔更拍一條MV片，打開雪櫃見唔到麵包，才舒了一口氣，怎知鏡頭一轉，枱面卻驚見一袋方包，軒仔寫道：「我只係想講一句 #黎明不要來 #來也不要包 #唔關阿天王事 #隻歌停咗係因為齋食包同粥食_到斷電 #早餐界KOL」連蔡卓妍都留言笑：「可能佢知道呢一句對聯：食包包食飽 食飽食包包」。

今早，軒仔在限時動態貼早餐相，終於不用再捱麵包了，並為它起了一個名字「2020冠狀班戟免疫早餐」，原來是斑戟上擺了藍莓，遮遮將刀叉擺成「X」字，軒仔溫提網民留意：「隔籬嗰兩件武器擺法係重點」。

內頁多圖

1個讚
2

暗黃

3

我有追看，真係好好笑。如果有一日我喺街見到佢嘅話，都會問佢一聲今日早餐食啲咩:joy:

2個讚
4

我想送罐果jam佢 :rofl: 突然覺得我食得仲豐富過佢, 起碼我有nutella :rofl:

5

我食住澳牛睇，突然好有罪惡感 :grimacing:

2個讚
6

折墮講句，d 早餐真係睇完都唔想食。

8

嘩…
咁食法會食到懷疑人生同瘦身成功

9

該主題在最後一個回覆創建後30天后自動關閉。不再允許新的回覆。