一家4口 我媽係一個好傳統既人 果個年代離婚會比人講 無論家人點做錯 對佢幾差佢都只會包容
話說我爸一直都唔識專重媽 由細到大都成日聽到媽投訴佢皮氣大到掉野踢野 最勁試過掉個大水桶落街 再唔係就叫跳樓死 前7 8年開始包二奶 斷正仲鬧到我媽想吊頸 仲要逼我地陪佢周圍去 話比人知佢係好老公好爸爸 但佢其實性格好怪 自閉自大同埋每個人佢都會講人壞話 仲會咒家人親戚死 係街佢就唔出聲 人地以為佢好好 講到自己係好叻好有錢 事實唔係
我妹同佢一樣性格 只會怪人 自己咩都岩 咁大個人第一次拍拖 一拍就即刻結婚 佢帶過男既反屋企 我地冇人對佢有好印象 招呼都唔識同人打 仲著到成身好污糟 咁結果佢堅持結 仲冇返屋企一排 一返就有左 我媽嬲都震都冇計啦 幫佢湊啦 而家個孫都同我地一起住
媽呢排精神情緒都好差 我知佢湊唔到好耐 佢湊到全年無休仲要壓力好大 經常被妹鬧佢 我妹又會係我面前講媽又蠢又老 我聽到心都up 明明佢自己錯 點解要怪人呢 佢都辭左份工幫你湊女
日日返到屋企我都好煩 呢2個人真係好似欠佢地咁 點去幫佢地都只會話你做得唔好
而家冇晒計啦 妹等緊公屋同綜援 都照舊要繼續係到住 佢話搵託兒照顧個女 我媽聽到發晒癲
唯一冇眼屎乾淨就佢自己食儲蓄 去租屋住 再靠老綜
2個讚
全靠你媽媽維系個家，要好好對佢，你妹你爸爸唯有當呢兩個透明
1個讚
可能爸爸始終係上位唔敢話，但呀妹就真係可以訓話下啦
我覺得真係逃離佢哋你先有正常日子過、唔忍心媽媽辛苦就會迫到你幫手養同湊
1個讚
講漏左 佢離左婚了 個女同佢自己都同我地一齊住 佢個女都係一樣有自閉左不過唔嚴重 唔是咁聽話搞到呀婆好激氣
都冇法啦 呀媽話妹由細到大都好麻煩 細個讀書話比人打 出黎做野又比人唔出糧 煩住屋企幫佢搵髮型model 放工返黎又要聽佢呻公司既事 佢而家唔攞綜援都冇本事養女了 佢成日問我點算 我都唔識幫佢 佢對我地態度都好差
我盡量對佢好 佢都知我對佢好 我比家用佢 佢有時都都比返D我 話我有幫佢手 佢唔要咁多 我心痛佢咁呀 但我又冇其他方法幫到佢了 我本身唔係有錢
佢話念在我爸搵錢 人工比佢管同仲有返緊工先唔出聲
妹就鬧極都咁 冇得改 搞到我媽一見到佢就黑面
我諗，如果講唔聽，都係時候理少啲佢哋！
涼薄說話（係隔離亡國學）
「可憐的人，必有可恨之處」
自己唔幫自己走出困局，一味講，又有咩用？你媽俾個妹咁樣鬧仲幫佢湊女！
3個讚
真係自閉？送個小朋友去做下training好啲，啲一來婆婆可以抖下，二來小朋友有改善，婆婆冇咁辛苦。協康/耀能都有，或者一d社區中心，有啲都係免費
1個讚
我一放假都要幫手湊 唔忍心就真既 細既好陰公 老既又慘
係囉 佢地一味同我呻對方既野 我叫佢地坐低傾又係傾唔埋又鬧交
1個讚
上緊耀能既班啦 而家一星期返2日
煩緊佢放學想搵個托兒中心
青少年中心有托管班，但要比錢嘅，有人睇住、茶點、做功課…如果有能力，比錢解決都好。您媽媽可以抖抖氣
請問你知唔知點申請？佢而家有社工跟緊 我上網睇左要合資格可以申請
