東涌/愉景灣有咩優點缺點呢? 從未住過, 如何決擇, 請過來人俾D意見, 謝謝
有無小朋友? 幾多歲? O係邊返工?
1個讚
小朋友已去外國升學, 只有我倆夫婦, 不用返工.
實地睇下好
1個讚
基本環境是知道的, 但只是外表, 最重要係過來人先清楚好壞. ^^
早幾年住過東涌一年半, 當時個人覺得:
空氣差
星期六/日唔好諗住落樓, 因為東薈城遊客太多 (講緊當時仲未開二期)
買餸好貴
我個人會揀愉景灣, 空氣好D…同埋感覺上自成一格, 你兩個又唔駛返工, 每日用D時間搭巴士去東涌買嘢都唔係難事… 東涌慼覺太多人, D樓有少許壓迫感, 太密啦…
就算我唔多鍾意行街, 空氣差都係一個大問題, 咁當時飛機嘈音會好困擾嗎? thx.
請問愉景灣係咪唔可以駕車? thx.
好似有哥爾夫球車
朋友住過兩年，佢話環境好好好舒服，冇咩中餐材料，又少餐廳，除非你住開外國慣左啦，不過唔駛返工問題不太嘅
如果我有日達到op 嘅高度，可能會想住南丫島 
飛機起降會令空氣有好多懸浮粒子
所以東涌空氣差一路都知
因為疫情依家應該會好d，但長遠黎講一旦航班恢復正常，空氣又會差返
我以為空氣差係因為大陸工廠吹過去添
東涌係因為飛機呀
2個讚
東涌買餸真係好貴，每星期都一定出翻旺角、深水埗個啲買
愉景灣係靚嘅靜嘅，但零晨想落街買小食食下就冇你份啦～
唔好話假期，平日都大把人係東涌，落街食個飯等位，一定係等30分鐘以上
飛機嘈音又唔多覺有喎
住過東涌一年半
之前剛開通港豬澳大橋，就逢假日都超多遊客 ，但新屎坑三日香過左之後，就少左好多好多。
日常生活，區內係足夠，如果想有娛樂，有街行就出返荃灣，葵芳，有時我會去旺角，深水埗，因為有巴士直達。
想靜啲就住得遠離東薈城，例如昇薈，映灣園都清靜，主要居民為主，少啲遊客。
車錢貴，但你唔係日日要返工就唔大影響，買餸貴少少，有時差少少都無專登出荃灣買，車錢時間都喺返到。東涌岩退休人士住，有得行山，有大佛，有商場，有戲院，又多左好多食肆。
嘈音就唔多覺，空氣就同旺角，深水埗差唔多
好難比意見， 個個性格要求都不同
我去過東涌又唔係成日聽到飛機聲喎