一踏入10weeks，個小朋友好似作反咁，將所有孕吐不適以倍數加大。
10w3 誤中補湯。返99到食飯，佢煲咗靚湯咁當然要飲啦。飲完先知落咗高麗蔘！！GG喇！！我阿媽千叮萬囑唔可以食蔘，尤其高麗蔘依d 高級補品。當晚我就出咗事，成個人全身發滾，熱咳，瞓唔到。
第二晚搵阿媽求救， 用古方濃茶一杯解熱，的確又好咗好多。
但可能嚇親小朋友，之後幾日佢就開始作反。
10 weeks 前其實我都唔係太好景，但未至於咁嚴重，由4weeks開始就不斷作嘔，間中先會獲利回吐。
但依個星期，真係生無可戀的程度。
之前可以食到或者舒緩不適的野食，全部失效。蜜柑，食完成個回吐。熱朱古力/橙汁，辛苦全日，利賓納糖，食完成個口苦咗成粒鐘。星期日晚返娘家食飯，坐完車返到屋企成餐飯回晒。
尋晚瞓得差，今日唔敢返工，驚坐車嘔到九彩。但全日係屋企都係收晒皮。我媽又特登黎陪我煲雞粥我食，但第一啖食落去，我又覺得好苦。
夜晚有d 肚餓，飲咗一啖寶礦力補電解質，個口又變怪味瞓唔著。
好多人話夠三個月就無事。
但依個星期好漫長呀！！！
求各位絲打集氣加油互勉之！！ 
加油
當年我由第4週嘔到第14週左右，之後好啲，不過都係小心飲食
你仲咁精靈應該冇咩事
Anyway我都唔識，我冇嘔過，試下飲奶得唔得？
未必關個湯事既，我果時明明都無食到咩嘢落肚，都是逐步變嚴重，人生第一次體驗到咩叫嘔到黃膽水都出埋來，原來黃膽水真係苦架
我果時只係嘔過幾次，但就長期口淡淡，食所有嘢都覺得怪怪地咁，挨到5個月先正常返晒。
試吓食啲酸酸甘甘嘅嘢，我覺得係舒服啲。
個人分享，我飲黑糖薑茶係幫助到懷孕嘅不適。
聽到都覺你慘。
我依家9週幾，成日冇胃口，間中都作嘔，又成日眼瞓
仲要日日都盤骨痛
加油
兩胎都嘔到無朋友，嘔到4、5個月先轉好既路過～～～
加油及祝福
加油呀，無時無刻咁一定好辛苦
我而家10周，感覺稍為好少少。之前唔食嘢就想嘔，食住啲果仁會好少少。
有冇試過飲吓啲橙呀，檸檬水咁呀？加油！
我第二胎初頭冇胃口到斷食咁滯，乜都嘔，夾硬放少少嘢落肚，轉頭嘔埋出黎。。。不過真係捱到13週就食得返嘢，放心
加油！
我明呀！！
好苦！好辛苦！！
人人唔同，我第一胎嘔到生，仲要食唔到嘢。
加油呀
試下摸住個肚同bb傾下計，等佢都可以平靜啲，你都舒服啲
唔敢肯定…
我由6週嘔到7個月,先叫好 d
7個月打後無嘔,只係頂住想嘔咁
但一臨生,比曳 b 再踢,就嘔到7彩先生
我嗰陣有食中藥,調理下會幫助止嘔
唔關啲湯事
我嘔到100磅都冇
未懷孕係110幾磅㗎!
都冇咩可以做
等時間過
我淨係食到梳打餅同西瓜(冇計、照食)
又嘔又暈，一日嘔五次，床都幾乎冇力落，工都返唔到，下下連請三四日假，返半日攞張醫生紙又放過。都維持咗個幾月!
開頭剛剛開始嘔嗰一日真係全世界同事都聽到我係咁嘔，邊有未夠三個月唔好俾人知呢回事
我同事們都好早就知喇～
因為個樣太慘白，瘋狂作嘔。
朝朝早長途車返工，一返位就要坐返一頭半個鐘先郁到。
個腦係好清醒，講到電話，覆到電郵
同事同老闆都好好，超照顧。連早餐午餐有時都買埋俾我 
。
好彩過咗peak season咋，前幾個月晚晚OT，依家真係唔睬佢lu
病假我都唔係攞咗好多，都係產檢一日咁攞。跨區返放工真係幾攞膽。
有好同事真係會令時間易過啲
加油呀
必要時就請假抖下啦
佢哋會明㗎
加油！我嗰時都嘔到七彩，連刷牙都嘔。但一到14weeks就重生了！