你哋娘家/夫家煮食煮得好嗎?

喺呢度開因為覺得煮飯matters 會影響家庭關係,大家傾下

做女個陣覺得娘家普通,嫁左發現夫家唔掂,依家自己識煮,覺得兩邊都唔ok。

難食,煮每一種菜都係綠變黃

夫家煮嘅嘢都好食,但好油…

我娘家煮得勁好食,可惜我學唔到 :face_with_hand_over_mouth:
夫家喎…試過快潔布同菜一齊炒上碟!問你敢食未? :crazy_face:

3個讚

我奶奶煮嘢食ok, 一做節,九個人食煮十二丶三個餸,不過佢調味好重手,我麻麻哋鍾意食

想問衆人當時反應 :rofl:

2個讚

本來夫家好味啲,但我開始煮飯之後習慣淡啲,娘家因為有家人身體問題都全面清淡,所以漸漸唔太習慣夫家啲味道

當然我好識扮嘢,去食飯成日讚啦 :sweat_smile:

普通咁,夫家比較重口味

我同我男人…你眼望我眼,跟住姑仔夾起塊快潔布,問佢媽咩嚟?!我哋就個個縮筷子彈開10呎! :no_mouth:
碟菜好快比事主送返入廚房…為免搏比人鬧,當事人話隻眼睇唔清錯喎… :crazy_face:

講真

我自己最好

兩邊都ok
不過男家偏油膩同鹹,同埋娘家食物款式多啲

我阿媽煮嘢好好食
但係我老公果邊,從來唔煮飯,由識我老公開始,佢哋就係日日落街食飯。到我嫁過嚟頭一兩年,都仲係日日落街食,食到我驚。
我為有自己學煮飯,初頭我自己一個煮飯食,佢哋落街食,慢慢就迫我老公陪我一齊屋企食。
到而家生埋bb,已經習慣日日屋企煮。但係向限聚令下,老公啲屋企人仲係日日出街食飯。

:rofl::rofl::rofl: 好正

1個讚

我本身係地獄廚神,煮咗七年,近兩年已經好進步,男家直情話想試我手勢(見我fb post得靚),但我好緊張,唔敢獻醜

奶奶仲問我某啲菜式點整,受寵若驚 :rofl:

男家習慣就冇辦法,我都有朋友係無飯家庭

你老公娶你有福

娘家煮野食係清淡同心機菜。
奶奶係地獄廚神但自以為好勁。湯係灰水色,個味同材料係match 唔到,啲野又咸又油,仲要買外賣當餸。佢成日會問點煲呢樣野樣去考我,以前佢個仔讚過我煮中菜西菜都好食,佢話自己個仔只會食中菜)

但地獄廚神想將佢啲湯俾我小朋友飲,唔知點可以推(我希望我個小朋友飲一啖就成碗推開)

想講已經唔係一次 :no_mouth:
仲有一次煲湯事件簿,廚房話事人將剷鍋用鐵絲刷(銀色圈形好細個),成隻煲湯… :face_vomiting:
呢次好大鑊,撈湯渣先見到,但人人已經斟左碗湯落晒肚… :frowning_face:
我男人一知道,成家人明明圍住張枱,彈開都彈唔切,姑仔就大大聲 eeeee 聲,係咁話:乜咁架?:hear_no_evil:
最後晚飯都無食,男人仲勁吊人 :poop:
我夾心人,唯有扮聽唔到 :hear_no_evil: :roll_eyes:

你地個個都係娘家好過夫家,我相反,我娘係地獄廚神,細個我奉紅腸煎午餐肉、罐頭鯪魚係美食,大個我完全繼承咗我娘廚藝。我99廚藝真係好太多,蒸雞一流,唯一唔好係夫家一家唔好蝦蟹,我娘家一家都好鍾意食蝦蟹,我老豆好識揀蟹、處理蟹、煮就只係蒸就相對容易。

我娘家煮野食普普通通,煲老火湯叻啲
所以我都係煮啲簡單野,蒸、炒之類嘅餸
而且我返工無時間煲湯,所以連呢樣都無學到
夫家奶奶連湯都唔多煲,滾湯多,煮野幾鹹,俾佢啲仔女狂鬧
但唔知點解我老公煮野好好食,仲會不時諗新菜式⋯⋯ 唔知喺邊度遺傳 :laughing:

1個讚