首先呢個唔係廣告，我自己冇賣呢類產品，純粹想做個市場調查，admin覺得唔啱規矩嘅唔好意思麻煩del post
話說我自己讀緊書嘅時候成個要用iPad同電腦，放喺檯度睇條頸又成日攰同姿勢不良，機緣巧合之下搵到個閲讀架覺得幾好，可以較十三個角度，放ipad放電腦放書又得，點知上google一搵原來香港根本就冇實體鋪有賣。後尾搵咗一大輪先搵到有批發入貨嘅香港公司，再send email問佢哋可唔可以單賣一個比我，間公司回覆話得兩間奇X天地有賣，個價仲要比淘寶貴三份一，最後好似細size都買咗200幾差唔多300蚊
想問咁多位家長點睇？會唔會覺得300蚊太貴，心理價位又係幾多？online Learning就完會唔會覺得買嚟冇用？
（網上圖片）
下，成廿幾年前已經有個，果時我媽買返黎話"long"起本書、抄寫會睇得方便d，都係幾十蚊既野黎。但作為用家既我表示無用，特登走去拎呢個野黎，我不如快快手抄仲好啦
人地用得好唔好就唔知，但我就唔buy囉
$12店有得買。
再唔係用畫架，或者用lego砌。
$300我會買書都唔會買個架。
以前都有架，不過唔多用，一來 angle 未必啱，二來啲書太厚就做唔到呢啲。
原來我記錯咗 呢舊嘢買咗我160定170先啱
真係300蚊嘅我懷疑我嗰陣痴咗線
主要係諗住依家唔知仲有冇online learning，長期dup低個頭望住部pad傷眼又傷頸。
題外話，如果家長發現小朋友長期側住個身玩電話記得糾正佢，我就係咁玩到兩隻眼近視唔平衡，買con都要買兩對煩死人
貪佢係韓國牌子
同埋以前行文具店冇行開美術用品部
由細到大、我都係用clipboard 夾起本書、下便再左膠紙座調較角度…
但只係抄書先用、要揭嚟揭嚟去有呢舊嘢就多餘
前幾年大家好興用電話座睇劇，依加都進化到有d 大個d 既可以托住pad 黎睇
而且價錢都唔貴。
閱讀架就有呢個問題，係下面頂住，唔方便。
細個心急想快手、唔想打開下面果個「頂住既野」黎揭，一係揭爛
一係仲慢，所以唔鍾意用個架。
唔會講冇用,都有它的好處,睇你自己點用,你也提到其中一個point最重要(長期dup低個頭望住部pad傷眼又傷頸),價格就睇自己,有些人有錢冇所謂,有些人唔介意等唔麻煩上淘寶買. 不過300元就真係跨張啲.
我覺得香港小學就應該使用這產品,個個唔會dup低頭,又可以望著老師聽課,又唔會影響筆記簿寫下老師重點.