今晚啱啱搞完視像家長會，同事老師們對住啲家長好理所當然咁話:
「家長幫小朋友温習嘅時候…」
又會聽過老師喺教員室 / 上老師心聲 Facebook page，講家長唔跟學生功課好差。
其實我 r 爆頭都唔明，點解學習唔係喺學校完成? 點解家長理所當然要幫小朋友温習，跟功課? 如果家長唔識跟，或者其他原因跟唔到，點算?
問師訓嘅 Professor (雖然佢有啲離地)，同跟大學去澳洲嘅小學觀課，都話小朋友唔駛做功課，澳洲嗰度最多都係學校會叫家長幫手，等小朋友帶啲物品返學校，喺班面前 show and tell。
有心理學家係專研究人腦點學嘢 (發展心理學)，呢一科研究到有個 concept，係教育人必讀，叫做 Zone of proximal development (ZPD)。個 term 好似好深咁，但其實好 common sense:
平日學習，有啲嘢係學習者唔洗人幫就做到; 又有啲嘢係有人輔助都做唔到。但係有第三種知識: 就係只需要有幫助就做到。ZPD 就係指第三種知識。
心理學家發現，人類要有效地學到新事物新技能，就要做啲喺人地輔助之下先做到嘅 task。
Somehow 香港同好多國家嘅學校時間表設計，老師都唔係做緊輔助角色，而係齋講地教書，最多嘅「互動」就係「老師提問，學生堂上識就答」。
要輔助完成 task 嘅時間，就變咗係「家長跟功課」、「家長同小朋友温習」。未必有師訓同埋術科知識嘅家長，係依個 system 嘅設計下，變咗要做 ZPD 學嘢「輔助」角色。
明明老師用佢嘅專業知識，去做呢個「輔助」嘅角色，等學生做住嘢，唔識先去問老師就最有效，最慳時間。
咁點解無人咁做? 點解老師工作唔跟全世界師訓教嘅嘢去設計? 點解老師唔係做緊可以令學生最有效學習嘅嘢，而係做緊其他嘢? 但係點解就算係咁老師都係起碼做到 6、7點，仲要帶嘢返屋企做?
我都想知。
-may
.
(圖: 喺澳洲去觀課嘅小學 West End State School, 學校小食部食物攞咗區內獎項，啲 wrap 同 blueberry smoothie 真係又平又高質。學校疫情之前一直以來都淨係返半日學就得。
低班 preppies 學英文，上堂會一直收到超人寄嚟嘅信，老師同全班一齊睇信，再堂上一齊寫信俾超人。去到學期尾，超人真人終於現身，去每班做 sharing。)
/https://www.facebook.com/NotYourUsualEdu/posts/154562069676552
5個讚
多謝仍有樓主這樣的老師願意站在家長角度看事物
1個讚
我學校無班主任日誌 wo
小朋友個腦未去到一個歲數，未發展到一個地步，就迫都唔會學到 organization skills
其實佢地呢個年紀最應該做係跑跑跳跳發展自我興趣，遊戲中學習，但係香港可能地少 (同好多變態原因)，一定要坐定定做好多抄寫同準備考試…
1個讚
我都覺得很難做到滿分，有時真的要有很多取捨，只要知小朋友盡咗力就算了
1個讚
mayjunejuly:
你地通常班主任日誌會有啲咩內容
關於自理上，有提醒家長如何協助小朋友執書包，例如：文具要齊、刨筆；勿帶不用的書簿、工作紙…只要老師見到小朋友甩漏，就會提出
1個讚
1.課程：如果香港課程可以跟其他外國課程唔使咁多、咁密集、咁深，其實都可以做到外國咁
同埋樓主講既zpd，係一種建構模式，你又點知老師係課堂冇幫小朋友建構？
我反而想知樓主教咩科喎
mayjunejuly:
一定要坐定定做好多抄寫同準備考試…
因為一班學生中，至少一半家長是很著重孩子的成績。
他們如何評定孩子的能力，好simply 認為識多幾隻字就係。
學校就是因為有這樣的家長，才會設計這樣的課程。
我小朋友都係小一。不過真係沒有寫咁多野。某程度上你老師好關心咁。呢個點都值得欣賞。
1個讚
但我也見過有學校佢本身唔多功課。但因為自己媽媽都有要求，變佐學校要默書本身讀默都叫佢背埋（不過其實有D小朋友默得多已經會記得佐D句子）。所以不要以為學校課程輕鬆就等如小朋友輕鬆。
1個讚
英文，高低小都有一班
IS = integrated science? 定係另一樣嘢嚟
我經歷過最似 facilitator 嘅嘢係補習社自助餐補數；個老師 standby 教緊 10 個學生，全部唔同程度；我做到唔明就舉手問老師；做得明老師就教住第二個人先，結果數學喺嗰個階段係進步得最快。
中學數學老師日日表演計數，日日佢問全班明唔明，我答唔明佢就從來都唔 show 我，真係小息唔明就好不滿咁話我需要補習； 除咗叫我去補習嗰句最有用之後，我覺得小學六年到初中三年嘅數學堂全部都係浪費緊我時間，因為我都唔明個老師講緊咩，就要去下個 topic。
幫 BD share 條 link 出去，等多啲人睇到 BD 嘅嘢
我喺我地個 facebook page 都繼續寫緊呢啲文，好 hard sell 都要講: 我地呃緊 like
facebook page link:
我覺得學習未必係輕鬆就好; 假如背嗰啲嘢個程度係小朋友 handle 度，喺個 ZPD / 已有知識裡面，咁起碼背嘅嘢係有用。
但係迫全班背同一段嘢，部分人就一定會因為太深 / 太淺而無學到嘢，好似我咁收啲默書簿返嚟，二年級永遠有4個零分，一係一個字都唔寫，一係淨係寫 x, a 同 o 嘅火星文俾我
其實成個 system 仲搞到啲無能力嘅家庭繼續幫唔到小朋友學嘢，成績就差，機會就少過出面嘅人; 出面有學歷有 support 嘅家長，練到個 K3 學生 in 小一，已經講緊我啲五年級都未識嘅英文嚟拍片; 之後我啲學生因為由細到大都低分 / 家人無時間 care, 無晒學習上嘅求知慾… 好鄧佢地擔心。
1個讚
Heilong:
也顯出老師對小朋友的關注和對家長的要求
我教小朋友做功課,唔會係咁擦佢D字,如果連我都唔肯定答案,我唔會特登上網查,有時會做錯左,最好笑係老師之後寫手冊話我小朋友功課要改善,家長要留意番
真的辛苦媽媽，其實你對的，很多時講座或者教育文章都話家長成日擦小朋友的的字，他們反而沒有心機寫，反而比老師改一改，要他們改正，他們會學習到寫字要更加小心，所以如果錯得不是太過分，我也留老師改
2個讚
你地通常班主任日誌會有啲咩內容
