頭先去百佳買野， 買左個膠袋，
收銀淨係放左豬肉、 豆腐、 生果入袋，
零食、 麵包、 罐頭要我自己入袋，
有冇人知點解咁做？ 衛生啲咩？
因為跟據法例，已有密封包裝/非新鮮食品都唔可以比膠袋你，但因為你同時有買非預先包裝食物/新鮮食品，所以可以比個膠袋你，但唔可以幫你入密封包裝/非新鮮食品
個膠袋你買左就其實入得嘅，不過可能佢地習慣左唔入姐
22個讚
解釋好詳細，唔該晒你
你比錢買膠袋，會幫你入晒啲嘢落袋，我估包埋服務費
講起膠袋，雖然膠袋徵費，但屋企依然有好多唔洗錢既膠袋
2個讚
正常。唔駛出聲佢哋都識咁做，所以我一向都唔帶環保袋出街。
我好鍾意佢哋啲膠袋，夠大夠實淨，屋企包雜物好有用。
第一次聽人咁講
5個讚
Me2 …
所以我會帶幾個膠袋reuse …盡量唔拎新袋…
3個讚
係呀地球已經受曬傷
4個讚
我都唔覺得自己係好環保x，不過盡量每次都自備環保袋，連果啲入凍嘢嘅透明袋都唔會要。
就算循環再用啲膠袋都好，講緊係啲膠袋幾百年都分解唔到。所以最好嘅辦法就係人人都唔用膠袋，需求細就自然生產少。
8個讚
我去一田買兩餸飯， 佢哋通常都係包兩層保鮮紙比我， 我就同佢講包一層得了
2個讚
我去aeon自助收銀之後，見d人係咁入平頭膠袋
明明已經包裝好…都仲要入…
連盒裝雞蛋都入
返到屋企咪又要自己拆？
點解要咁折磨自己？
習慣真係好可怕
4個讚
啲老人家好鍾意用果啲透明膠袋裝嘢。試過一次同屋企老人家食飯，淨左個白飯要打包，佢就攞個呢啲膠袋出嚟直接倒個白飯落去，我睇到
都凸埋
我都盡量喺屋企做回收
同埋買喵坊面紙比佢地用，希望幫佢地養成習慣
1個讚
so dirty
老人家係咁，特別鄉下大陸嘅。以前跟老公返佢鄉下食一圍圍果啲，食唔哂就拎透明袋或者紅色膠袋，直接連汁倒落袋帶走。淨返少少嘅就幾碟撈埋一齊俾貓狗食…
只可以講，佢地雖然唔環保又唔衛生又冇常識(下刪1千字)，但佢地真係將一個膠袋"“”“用到盡”“”"
(利申，我從來喺都唔會喺大陸食呢啲所謂嘅隔夜餸)
我諗起以前士多用膠袋裝汽水
佢可能無收你膠袋錢，你睇返張收據。
"
亦可能佢大意左啦。
最唔同係！
我發覺百佳多數會同我入環保袋！
如果我拎住袋，佢哋會主動叫我俾佢入袋！
就算我唔拎住，佢會問我之後幫我入袋！
其他既相對比較低！
百佳都係咁，買豬肉已經有盒， 仲要入保鮮袋， 再入自備嘅環保袋
我一直都唔明