我幾時先可以放假做自己野？
我老公真係會叫我去，佢請假、放工後係屋企睇住小朋友
4個讚
爸爸本身每次放假同放工都係屋企湊小朋友
但小朋友好痴媽媽，好多時都一定要見到媽媽
有兩個小朋友，細果個歲幾、都幾痴我，不過除左訓覺一定要我之外，其餘時間都可以其他人氹下。
我嗰個會話「叫佢哋（小朋友）落爺爺嫲嫲度囉！」
（我心諗，仲衰）
星期日上午我會放自己假出去行下、由佢地訓
聽到又真係燥、要你睇一日半日唔得嘅
「平日返工好辛苦嘛，難得唔洗返工可以抖」
「我日日湊住小朋友冇停過！」
「咁你都係煮下飯，洗下衫姐。平日送左仔女返學你都係屋企冇咩做？」
已經想打人 
我哋一年365日都六點起身
我都好多年無瞓超過八點
而家年紀越來越大，仲慘，已經定時五點幾醒，唔會咁快再可以瞓返，到下午就恰眼瞓
佢哋做功課我就打機。玩玩吓中眼瞓
1個讚
老公一放假，成個晏晝佢負責湊，我出去做facial按摩，夜晚同佢出街一齊湊
2個讚
D舊同事, friend 呀最興講呢句, 我會回翻佢地,你試下吖, 我仲要自己接送,再沒了兩小時 
我就最憎啲舊同學話我係「少奶奶」
1個讚
屋企有一億就少奶奶。冇嘅話，真係工人都不如。工人都有紅日放假，唔洗管功課，唔洗幫手溫測驗考試，唔洗對住樣樣睇你唔順眼嘅 99。依家做阿媽，想去下旅行，二人世界都甩唔到身。
1個讚
我以前都有十年走唔開自己一個人放假
如果未返學，出去嘅話老公就會帶小朋友去爺嫲屋企，雖然爺嫲都係錫孫，但好多嘢我同佢哋真係夾唔到，又限時限刻返，去太夜同太耐又埋怨我無時間俾佢哋食飯。之後好多嘢我都盡量喺小朋友返學時去完成，例如去醫院探病、我自己覆診等等。
而家啲小朋友都中學同高小，都唔駛次次帶小朋友去爺嫲屋企，老公都可以自己帶小朋友出街食。
加油、等多幾年、上晒中學佢地就會有自己的世界。
1個讚