想問下大家知唔知產假後公司係咪可以即炒你？
可以。
可以用工作唔達標、cut budget之類，但唔可以用因為你生左bb，歧視就唔可以。
因為法律係保障你大肚同埋產假期間架咋
1個讚
咁可唔可以告返佢轉頭找藉口話歧視產婦呢?
舉證好難, 佢用工作表現等等理由同你玩
加上你剛生完, 正常唔會想同佢鬥爭, 所以係好慘, 好不利的position
的確可以即炒，之前見證過公司咁做，但大家同事都知係因為個媽媽陀住bb時工作態度好有問題，最後聽聞個媽媽有搵勞工處，公司又好似真係賠錢了事，都係聽聞。所以如果真係不幸遇上，點都搵勞工處睇下幫唔幫到手。
可以的
很普遍
好難有證據，佢有心炒，唔會兜口兜面咁樣話你。
一講到工作表現而炒基本上係無得講，一定係幫僱主。
我直頭有個朋友就係咁，詳情唔講了，衰到佢自己都知衰，一放完產假即刻辭職，話驚俾人玩死喎。
1個讚
經濟許可咪唔做
我都遇過呢種人，其實個staff大肚前已經有問題，大肚期間更加放肆⋯⋯乜都話唔識做，唔想做，唔肯學，乜都記唔到，為左就佢，HR將佢調到公司上上下下有得比佢做嘅位，但個個department接觸完佢之後都同HR投訴想調走佢！
就算已經唔洗佢做嘢，佢都會r水吹阻住人做嘢，大家因為同佢溝通唔到所以都冇睬佢，但佢都可以繼續騷擾你，一陣又話頭暈一陣又話唔舒服，我哋求下佢做好心SL留係屋企唔好番工啦！點知佢話屋企得佢一個好悶⋯Omg⋯ 
佢好識做戲，公司上上下下投訴佢，佢就喊住打比大老闆，佢真係直接打左比老闆！老闆費事搞到勞工處，就叫我哋department收留佢⋯⋯
最後因為佢本人真係太蠢，HR好聰明咁比佢簽左份新合約，類似係「有job先叫你番工」嘅part time合約，就以後冇見過佢了～一天都光哂！
2個讚