可否share link 或者帖文個主題等我search下
個人觀點，不喜勿插。
我為左小朋友揀左IS條路，雖然學費貴，但係幼稚園分分鐘平過九龍塘個堆K，上小學係要俾學費，但諗下為左讀名校n項興趣班補習，分分鐘已經等於IS學費。另外，就係為左細路有個正常有得玩嘅童年，唔使下下功課如山。
3個讚
想請問是否音樂?
芭蕾舞
2個讚
其實我本來都諗住個可以長遠發展嘅興趣會係音樂、體育或者畫畫之類，完全冇想過佢會愛上芭蕾，愛到要做專業舞蹈員。
你仔仔可以發展到自己興趣，真係戥你開心 
不過細細個就去外國讀書，投資真係好大，由10幾歲讀到畢業，可能都要2,000,000嗎？唔係個個家長支持到
去英國就好貴，二線舞校跳舞連學費，lower school一年最少3x萬，如果讀 Royal Ballet School，50萬一年走唔甩，我哋都真係會好吃力。好彩佢考到德國最好嘅舞校，一年計埋返香港三次，都係大約15萬，平好多，基本上同佢喺香港的使費差唔多，我哋仲慳返請工人嘅支出，再加上佢高中畢業就會考團做嘢，唔會讀大學，所以淨計留學使費，五年都唔使一球。
2個讚
你仔仔好有目標，你一定好用心栽培 
請教下你，小朋友10來歲，如何肯定佢喜歡嘅嘢唔係三分鐘熱度呢？我小朋友好像學咩都一般般喜愛，唔會抗拒，但係又冇乜熱情 
千祈唔好講請教，大家交流下。我深信一樣嘢，做人做事嘅態度比考第一讀名校更重要。所以，其實我冇乜點栽培，只係比較注重培養佢嘅態度，早早放手俾佢自己負責自己嘢。
至於點知係唔係三分鐘熱度，我仔情況係咁嘅。佢學過好多課外活動，有啲初初學會好有興趣，但之後你會見到佢慢慢咁懶落來，一星期一堂都唔係幾想去，但唯獨是跳舞，除非發燒/病，無論學校測驗考試，打風落雨，從不缺席，就算有少少唔舒服，都想去上堂，最多坐角落頭睇同學上堂，講緊唔係一星期兩堂、三堂，係六堂，咁好明顯佢對跳舞係真心鍾意，叫佢返少一堂都唔肯。
3個讚
我有search 過. 同埋有朋友已經在英國落腳好多年. 有個女.
其實如果係講英國, 都有分公立私立. 如果想入好公立, 咁又要俾貴啲錢住好學區. 如果私立就萬幾蚊港紙一個月. 咁其實都平過香港嘅. 不過如果全家過英國, 收入少一截, 咁讀好學校都係一個負擔黎架.
我諗香港家長都會怕小朋友讀唔好嘅公立學校, 萬一群埋損友吸大麻就慘喇.
同埋英國大學就算local fee 都唔平, 讀一個degree 連宿舍都一球.
教育真係唔少錢呀.
1個讚
美國情況好相似，好嘅公立學校校網嘅屋特別貴，私立學校尤其寄宿學校學費連食宿分分鐘貴過大學，呢度好多中產家庭都面對同樣問題
呢個話題我都同呢度好幾個朋友傾過，佢哋基本上一致認為買好校網嘅屋讀間好嘅公立學校化算 d，屋係貴買貴賣，好校網嘅屋幾時都值錢，到細路讀完書賣左間屋，再去遠少少嘅地方即使買返間同樣嘅屋，都仲有一舊錢多出來旁身，其實到細路讀完高中，佢哋都基本上會離家去讀大學，大學畢業自立搵嘢做，好少會再同屋企住，兩老完全可以 down size，換間遠 d 細 d 嘅屋，多出來嘅錢可以慢慢搣，後生時買落嘅好校網嘅屋，就當係儲錢落間屋度，到老左拎返出來用
我覺得呢個諗法好啱，而家我都係咁做
1個讚
親戚讀英國私立，一向都係非常好，前兩年捉曬全校華人男仔去審問，原來校方接到投訴話著佢地學校校服嘅 Chinese boy 賣毒品 
1個讚
大仔今年西班牙大學yr 2 ,一年約20萬。中小學讀津校，課外活動內，費用不高，加埋學琴及畫班，一個月約$2500。加埋不用二百萬。
1個讚
我為小朋友揀IS路
淨係學費+海外升學
連埋通脹,我預500-600萬
1個讚
同埋我地有買層樓留比小朋友結婚
所以條數根本好難計
1個讚
該主題在最後一個回覆創建後30天后自動關閉。不再允許新的回覆。