女女而家5歲，3歲先黎英文國家生活，佢暫時廣東話都好好，無口音。但開始覺得有d退步，有時同我講野都會夾雜d英文單詞，但我會堅持要佢同我講廣東話。
各位外國家長請問有乜方法可以令小朋友中文進步…
1個讚
睇繁體字童書，講故事
加油呀！
2個讚
唔鼓勵
但係睇中文卡通片真係好有效 
1個讚
同意。
1個讚
屋企堅持同佢講廣東話。其實咁上下佢會抗拒（我個女大約五六歲左右最抗拒），呢個時候需要用唔同方法威逼利誘。到咗七八歲左右，佢就明白到用廣東話同我溝通必要必要，跟住就習慣咗。
正如上邊嘅人講，睇廣東話卡通，係非常之有效嘅學習方法！
1個讚
眼見响5眼國家出生、長大嘅香港人下一代成長，有少少野可分享
家庭一，英國London，爸媽堅持送去唐人街學中文，現時4x歲，睇中文問題不大，可以用廣東話正常溝通，但佢下一代係mix，佢無再堅持d女學中文，但佢感恩當年阿媽要佢學，而3姐妹當中，係大家姐d中文好d
家庭二，加國Toronto，上一輩4兄弟姐妹一齊移民，同輩香港出世，响嗰邊讀中學，同香港人後代結婚，家中以廣東話溝通，長老們及長輩經常有家庭聚會，生活香港化，小朋友現時約7-8歲，好鍾意學中文
家庭三，澳洲Sidney，廣州人，民運後以難民身份出走，兩公婆當地結婚，無乜朋友，搞小生意，雖然有教兩個女學中文，但兩個女唔鍾意，大女可以用廣東話溝通，細女連聽都好似爭d，大女話，識識地睇餐牌，其他都唔得
所以，得唔得，好睇環境，孩子性格，同家庭俾咗幾多支持
4個讚
我覺得要屋企人堅持講中文先容易學啲。我小朋友一歲前來加拿大，到三四歲入學，我就不自覺地講多左英文，所以佢啲廣東話都退步左。但到左五歲，我地搬左去歐洲兩年，我自己都唔識果邊語言，所以迫住講廣東話，佢果兩年啲廣東話真係好好，我香港啲朋友都話佢無口音。
但睇同寫真係難教，尤其係寫，又多筆畫，又難，佢每日學寫一個字都搞唔掂，始終寫字母同寫中文實在太唔一樣。
3個讚
有，買左好多書，而家努力中…
該主題在最後一個回覆創建後30天后自動關閉。不再允許新的回覆。