唔知大家會唔會有同感？
我自己開始適應，甚至有d 開心，覺得多左時間投放係真正重要既人身上（唔重要既人可以用疫情原因推左唔見面；必須見既又可以戴住口罩應酬），又可以將堆積左好耐既瑣事處理，同埋多左時間思考工作同步署未來。當然，因為疫情既關係，依家工作係比較困難，但有危就有機，我個人覺得ok。
另一樣野就係依家所有人都無得去旅行，令到我唔會問自己點解淨係顧住做野無去旅行。我一直有種感覺係覺得自己唔可以同外界脫節，當身邊所有人都不停去旅行時，我都要努力去多d地方擴闊眼界，但事實上我去旅行時成日都記掛住屋企兩隻狗狗，玩都玩得唔安樂！依家反而多左時間陪狗狗，個心舒服d。
推應酬係真既。
對無小朋友既人黎講，只要份工保得著，就應該好好過。
不過呢度咁多媽媽，小朋友無返學，都係辛苦架啦。
少左打扮，多左時間面對真實嘅自己，好好坐係梳化睇書休息
覺。
我自己本身係幾中意留係屋企，放假真係想係屋企訓到自然醒同埋閉門。
以前都一般中意去旅行，真係好多時係人去我去心態，吾去又無咩，仲可以儲錢。
係。容易啲推無謂既應酬。
可能我倆公婆都唔係太喜歡太多社交。而家反而舒服啲。
我係超中意自閉在家，仔仔畀我薰陶之下佢都一樣。之前成日畀人話我搞到個仔咁，宜家反而叫我留係屋企唔好出街。
正因為困係屋企，可以清下積落嚟冇睇嘅戲同書。
仔停課期間，雖然由我教但開始明乜叫因才施教。思考緊可唔可以在家自學…
有。
冇收入，但係洗錢相對少咗。踩下單車，玩吓水，最貴係油錢。
凡事睇兩面。
可以專注於負面或者正面。可以自己選擇。
未能夠用享受來形容
又唔係話好享受 始終日日都擔心個疫情 又驚會失業 但生活方式真係有正面嘅影響
唔洗應酬 唔需要成日見藍C親戚 
唔需要同唔熟嘅同事食飯
Work from home 唔洗化妝 皮膚變好 原來唔需要用太多保養品 
多咗時間睇書做冥想 個心比以前靜咗 無咁易發脾氣 
比以前更加重視環保 家居減廢多做回收嘗試食素 個人物慾減低咗好多
都幾鍾意而家嘅自己 
一開始有啲唔慣，依家幾enjoy
唔講大環境，有種大家返璞歸真嘅感覺，某程度上覺得個社會舒服左
係，就係依種感覺！多d 錢少d 錢，生活都係咁上下，反而回歸平靜。
me too!
係，我今日就係參觀左一個農莊，先知道香港仲有d 咁舒服既地方。
可以考慮下！
我今日都認識左一個homeschooling共學團體，覺得唔錯（當然大前提係父母願意一起學習）。
正是！
真, 多左時間同屋企人一齊
無咩大分別, 旅行不嬲唔多, 香港本來很多地方都好好, 而且都愛毒在家, 現在更加係奉旨~~ 
考慮中，但仔社交係難題之一。。
因為我自己好自閉，我可以成個月唔出街都仍好自在。。
我多左好多親子時間，因為放工一支箭返家，weekend同close嘅朋友家中聚聚，好舒暢。
唔知大家有冇同感，係咁灰嘅疫情同經濟低潮下，有份工返都冇乜心機，覺得返工好無意義【除左搵啖食】，冇左以前種積極性。