結左婚未有小朋友
收7點返到屋企8點左右
重要煮飯 覺得好攰
有冇同路人？
因為要帶飯所以要煮
返工咁攰, 不如LUNCH 或晚餐出街食, RELAX 下
平有平食, 貴有貴食
好過一日食兩餐一樣的餸
2個讚
去超市買D現成野, 唔洗煮得咁辛苦 
早餐唔難攪
係午餐晚餐暫時有外賣舒緩
我會Weekend煮定幾日擺冰箱，出街食1,2日，咁會輕鬆好多。
4個讚
我唔帶飯，但都會煮。
都係焗三文魚／雞亦／雞扒＋炒菜。
你帶足5日飯？
午餐我試過帶蕃薯／雞蛋。
或者你帶少1日，俾自己休息下,輕鬆下
有時放工太攰唔想煮，會只㷛飯，外賣餸菜，剩 d 餸菜明天帶飯
以前我都會日日出街食，收工後唔想煮
最近日日屋企煮，發覺慳好多同健康好多人，反而唔太想出街食啦
以前冇小朋友都有煮，都係簡易，快！
餸就要早一日預備定/解好凍，放工返黎炒兩下/焗兩下/蒸個啲餸！
不過星期一至五都有1/2日出街食！
冇小朋友前會七點返到堅屋企煮飯
七半左右開飯
煮其實唔攰係會唔想洗
我喺疫情嚴峻期間都唔會日日煮，發癲都有份
叫個男人煮一兩晚，佢唔得，咁就佢買外賣
weekend 可以買定幾晚菜，急凍嘢嗰啲，放工返嚟簡單煮。洗完碗就準備第二晚
星期五晚可以休息下，出街食
我對食冇乜要求
係煮都係極簡單
有2隻半熟蛋，芝士，粟米，我已經可以餸飯/麵
亦因為有茄膏、麵豉，呢d咁方便嘅調味品
我真係懶得再搞咁多嘢
BTW ，我識煮3餸1湯炒菜蒸魚㗎
鍾意簡單定複雜
輕鬆定辛苦
自己揀啦
該主題在最後一個回覆創建後30天后自動關閉。不再允許新的回覆。