9月頭買, 原本話2星期送貨
2個星期後, 問佢幾時可以送,
話臨近10月1, 工廠接太多單, 做唔切, 所以唔可以9月中送貨, 要等佢地放埋假先可以送
我話我唔接受5個星期貨期
隔幾日後再問, 10月1前送唔送到
佢都係話要放假後放
好啦, 到左10月, 我問佢, 咁即係幾時送
佢話10月12號
到左10月11號, 我問佢係咪聽日送
佢又話, 12號唔得, 要16號送出
好啦, 16號都過左, 無消息
真係好悶, 一直推
幫我裝修個師傅(佢幫可幫我安裝)都話, 咁遲都未有
有冇人教下我點做
消費者委員會幫到你，案例供你參考
個幾月都無唔可以接受喎
叫佢退錢啦
謝謝2位, 今日再同佢傾, 消費者委員應該都幫到我
再唔得走落舖頭煩佢，，以阻住佢做生意為目的
退$
同佢講話唔要啦退錢
有冇後續？
我唔排除會落鋪直接問佢
原來佢晚上7點幾有send msg黎話, 今日送出, 星期二/三會到
已問佢拎way bill number,
真係堅嬲, 唔追佢都唔交代
唔知點解呢啲訂傢俬成日都係咁。
希望你順利收到貨
今次應該收到嘅因為係佢主動send message, 希望你一切順順利利
話時話裝修真係成日delay, 點解會咁嘅呢?
做唔切就唔好接job啦, 好不負責任
唉, 我都唔知點解, 但只可以同自己講
唉… 條命係咁, D人越做越衰, 一D手尾都無
anyhow, 我收到貨, 而家等緊個師傅黎裝
(係呀, 本來佢話星期4,5 , 之後改左星期5, 6,
尋日黎唔到話星期2黎,
我都真係慣左對住某D人同埋事會係咁)
如果係床點算
呢間黑店嚟㗎喎，投訴到佢儍啦，咁做生意
恭喜你終於收到貨
有無得暗示下係邊間鋪頭等大家提防下?
係，啲人9唔撘8，莫名其妙，匪夷所思。
係，寧願佢正正常常咁報價
唔係又要加錢又要delay
床, 我都還好, 因為只係關係到一個人,
但個櫃放係浴室, 就係成家人既事.
你係指去消委會投訴? 收左貨仲有冇得投訴?
多謝你 <3
佢呢, 係荃灣, 係五金街 (荃灣應該得個度算多五金鋪)
成條街得佢1間有得買custom made既浴室櫃, 近aeon個邊)