初小時小朋友冇咁嘅能力，高小時又要預備預備呈分
通常家長幾時放手等佢自己溫習考試，或者做一啲比較難嘅功課例如中文作文？
當個小朋友意識到家長冇能力再幫佢嗰陣
4個讚
我女小五, 而家默書可以放手, 成績返嚟都唔算好驚嚇
測考就未可以放手, 我都會出題同搵練習比佢做
作文就真係救命, 佢自己作真係幼稚可笑…我承認我對作文有D要求, 好難全放手由佢交D 行貨返去, 但真係困惑我點樣幫到佢寫到D有深度同結構嘅文…枉我所有公開試中文都STRAIGHT A, 作文我覺得好易, 但就係傳授唔到比佢 
3個讚
都係喎, 升中果下突然間發現要全部食自己 
1個讚
我一個初小已可放手，另一個剛升高中仲未放得手
我諗中學啦,中一開始慢慢放手…
1個讚
一係睇好多書
一係好鍾意debate 好鍾意思考
中英都係要浸…
中文英文作文，放手比佢自己做，就錯字百出，結構簡單
陪佢一齊做，就倚賴晒你提供啲字比佢 
有時諗返自己細個，溫書作文，全部靠自己，冇補習，冇人教，都可以有進步
究竟點解
太中Point! 我喺小三時發現阿媽靠唔住，從此自力更生。
2個讚
默書嗰啲可以放手，但測考如果真係呈分就好難放。
今日先激死，題目寫 present tense，照抄都填 past tense，一版練習 18 題，哦到第 10 題先醒覺做啱曬。
仲有三個禮拜就開始呈分，唉～
我認我放唔到，就算佢成績已經係頭 30% 內。呈分少一分都唔知跌左去邊度，科科都少兩分，排名唔跌幾十名都好難。班主任講明呈分會有好多人突然爆發，應驗曬，數學小測，幾乎個個 9 字滿分。
3個讚
我覺得講天分…
細個真係書都唔睇多本
淨係睇雜誌同叮噹
都同shevachevy 一樣straight A
亦有同感冇遺傳俾小朋友
覺得如果天分唔夠
就要睇好多書去improve 個語感
依家日日陪睇希望會好啲
2個讚
可能生多幾個會有機會遺傳到
我識個家庭，老豆好叻乜都自學
頭2個仔都似阿媽又懶又縮骨
第3個仔先係叻仔
1個讚
唔好玩我啦，咁我寧可平庸/平凡是福
生多幾個骨頭散，一個都煩死，幾個真係死左都畀佢哋嘈翻生。
1個讚
哈哈，但今時今日我見都唔少資源豐富嘅家庭生三甚至四個。我真係唔知佢哋哪來嘅勇氣。或者真係outsource 哂所有勞氣嘢俾人做啦。自己教真係… 死幾多次都唔掂
真係唔知幾時先敢放手
中學自行收生、有啲直情要睇埋四年級成績表、冇可能四年級先發力、即係一至三年級都要keep住打好個底。
四至六年級、基本上每次測考都步步驚心…
可能啲小朋友天生自己搞得掂、自動自覺…
邊度搵到啲咁嘅小朋友，我要一打
有錢就好辦事，最怕冇錢
去國際學校就已經輕鬆好多。大少少去boarding school，煩少科中文，輕鬆入一流大學
好睇小朋友咩性格。
我女P1 已經自己搞掂哂，我仔依架中一，唔好話溫習考試，我仲要同佢對功課