老人家膝關節退化

我爸66歲,膝頭哥關節退化,政府話要排期5年先做到手術:sob::sob::sob::sob:。請問有無私家骨科醫生推介?

佢依家行路要就住就住,行樓梯好痛,搞到佢唔想出街。做過物理治療、打過啫喱,好過一排,但依家愈來愈痛。所以想同佢睇私家醫生,聽多個意見。:pray:t2::pray:t2:

屋企人踢波整到腳睇過賴偉文都ok

試下熱敷舒緩,平時都要郁下踏下原地單車

試過曬了,公立都話佢要換膝關節,但排期要排5年:sob::sob::sob::sob:

醫生有無俾 Glucosamine / chondroitin 嘅野佢食? 我99睇政府,醫生係開Glucosamine 俾佢嘅

如果自己買,記得加埋MSM 同維C食 (吸收好d,有效d),我老豆都係退化,食兩個星期左右就唔係咁痛,自己行晨運,不過唔食又痛,所以要keep 住食

屋企d長老全部食緊

多謝你意見,佢有食緊,其實佢膝頭退化已經有幾年了,但愈來愈痛,醫生話呢D都只係治標不治本,完全解決就要換人工關節,我爸都想做手術,因為佢仲後生,想行得好D,依家要搵好的骨科醫生去搞。

公立有冇照排住先?
有時如果佢嚴重可以跳隊

我家人剛做完,係旺角楊x南醫生。手術幾成功。
不過坊間都好多醫生做呢個手術好好。

治標、治本

營養補充又點會係"標",只係唔夠快填補,要一直食

換零件…可能係治本,但會帶嚟其他問題/創傷

明白老人家痛係最慘,家父以日本電流器減痛,部機係以前响BK托人買日本2手機,醫療用減痛

你爸打左幾多次透明質酸?
我爸第一次打完全冇效
隔左半年搵另一個醫生打左一針見效
然後先再打其他位就有效

水療ok㗎。

多謝呢度有個JM介紹我,我帶我爸睇左醫生,上星期做左手術換膝頭關節了,做完手術第二日就落床,傷口唔痛,住左4日就出院。依家在屋企休養。

我爸形容為奇蹟,因為做完手術唔痛,傷口唔痛,同埋原本膝頭入面的痛都無曬。依家要好好保養個傷口,唔好比佢發炎。

4個讚

越唔郁,越退化:cry:
佢係物理治療師

香港物理治療比較貴…退一級可以考慮推拿…
長遠都係要練返d肌肉:man_lifting_weights:

:heart:
好好休養同時要緞練返腳力

有隻supplement叫MSM,屋企人食咗覺得關節冇咁痛

請問係私家定政府做,我爸排左好耐政府都未到,本身只有一隻腳痛,而家就住行,另一隻腳都開始有小小問題,見到佢都心痛:disappointed_relieved:

請問手術幾錢呀?保險包唔包?

私家,睇完醫生過幾日就做了,我地唔想爸爸要辛苦幾年等政府。

1個讚

做完手術就要開始做返d 運動,強化大腿肌肉,盡量活動個膝頭,體重要keep 正常水平,好好保養個關節,個人工關節就可以好耐用:wink:

我爸無保險,所以唔太清楚包唔包。

手術費連埋住院4日,大約12萬。醫生好好,知我地無保險,有平比我地。

3個讚