定係應該叫5道菜, 有麵同甜品.
雖然而家都百無禁忌…但飲食PAGE應該知呢D傳統卦
不時不食，又到了食大閘蟹的季節了！誠哥旗下的五星級[酒店]
(https://www.weekendhk.com/tag/酒店/)，九龍海逸君綽酒店的中菜廳——海雲天推出全蟹宴套餐（2位起），以日本清水大閘蟹入饌，蟹膏甘香肥美，蟹肉鮮甜味濃。全蟹宴一共有7道菜可歎，有5両重的大閘蟹、皮薄餡鮮的蟹粉小籠包、酥脆香口的生拆蟹粉蒜茸包、滋補養顏的杏汁花膠雞湯、鮮甜美味的蟹肉扒豆苗、濃郁酒香的花雕蟹肉稻庭烏冬及驅寒暖胃的薑茶湯圓甜品，款款吸引！現時透過網上訂座，即可以優惠價$438／位訂購，蟹宴做到11月30日，立即約埋朋友一齊嘗蟹吧！
寫稿嗰個可能好後生，又或者係外國返嚟。
菜單其實都好少咁寫
一係搵樣野拆開
好明顯唔識呢啲禁忌
酒店中菜竟然寫出七道菜既menu
好大機會比人照肺 
中菜食7,真係… 
冇畀經理睇過？
食7喎…
改一改
小籠包配蒜蓉包
6道菜咪算囉
其實後生個一輩係咪冇食7呢個禁忌架啦？
應該係唔知囉，就算真係7，都唔會寫明7道菜卦
我覺得都係睇個人就唔就忌，我2x，同朋友出街食飯我就係會計一計係咪七碟餸，如果係嘅話我會好直接講我哋求其叫多樣細細份嘅嘢啦，依家七碟大家就即刻明白
真心唔識
食七碟菜有咩問題？
細個屋企人淨係話唔可以單數⋯⋯ 唔計甜品
同問
阿媽由細到大教唔好食7，淨係講唔好意頭，但點解?
宴席用上七種餸菜，這是「解穢酒」才會出現的
通常係有人過身，做完白事先會食7碟餸。
明白，唔該
Oo 原來係咁thx
普通人食飯唔知我覺得ok
但set菜單同飲食記者都咁寫就奇d
正如好多人分唔到壽包同壽桃咁
哦！原來係咁既意思！
我知道要雙數，但唔知7仲有特別意思！
唔好話後生，我呢d老海鮮真係當年出來做野後，同同事食飯我先知，有同事突然話而家七樣送，不如叫多碟菜啦
就算我本身百無禁忌，之後出街食中菜都會留意，唔想其他人唔舒服