香港與新加坡建立「航空旅遊氣泡」
本地 發佈時間 15.10.2020 14:32 最後更新時間 15.10.2020 14:41
香港與新加坡就建立航空旅遊氣泡機制達成原則性協議，兩地政府未來數周為各項安排敲定細節，以期在保障兩地公共衞生的前提下，恢復人流往來。在機制下，旅客須接受兩地互認的病毒聚合酶連鎖反應測試，並呈陰性結果；抵埗後無須接受強制檢疫或履行居家通知，行程亦不受限制；旅客將須乘搭特定航班，有關航班只會接載參與旅遊氣泡旅客，不會載有任何轉機乘客或非旅遊氣泡旅客。政府指，旅客往來目的不設任何限制，規模可隨時作出調整，特定航班數目可作增減，甚或暫停，以配合兩地疫情的最新發展。 商務及經濟發展局局長邱騰華指，香港與新加坡均是主要的國際航空樞紐，很高興雙方能就重點安排達成協議，以促成早日建立航空旅遊氣泡，認為是在疫情下，努力恢復正常生活的一個里程碑，有信心各項安排可迅速落實。新加坡交通部長王乙康表示，新加坡和香港疫情已受控制，發病率較低，並且都已建立健全的機制來控制和管理疫情，有信心逐步相互開放邊境，認為今次決定意義重大。
未爆武肺前諗住今個暑假去玩，好彩未買機票。
依家睇清楚支加波副咀臉，我寧願去搵奶茶同盟。
新聞一出國泰即刻爆上6%
雖然我討厭坡佬
不過香港人困左咁耐一定好多人衝過去
波波真係夠大膽
香港第三波仲夠膽開關
都要奶茶同盟開至得架
真心覺得新加坡冇嘢好玩，去過兩次真係怕怕唔會再去。
去過一次，無乜地方行又太似香港無乜特色，不過疫情無選擇應該都多人去
其實早幾日先至話香港可能有第四波，宜家仍有限聚令，又有隱形病者，點解仲要增加傳播風險？？周圍播毒？係都等零確診一段時間後先啦！搭飛機都高危…72小時前做檢測呈陰性就可行，咁72小時內中左朝就唔會知道…
『抵埗後無須接受強制檢疫或履行居家通知』
咁返黎香港仲洗唔洗隔離14日?
你問我, 暫時仲未夠膽量飛出去… 況且香港仲限聚令緊… 新加坡都唔係控制得好好… 真係唔會去住…
似係想趕得切做聖誕新年嘅生意
海南雞飯⋯⋯⋯⋯等我
星州不嬲都串串貢，又專制
星州要帶追蹤器
我寧願去kl
日本就話啫
不過，應該有排都唔得
借啲意想搞埋健康碼
快啦。下個月 resume biz travel. 但係到時淘寶就會有一大堆商務 邀請函出售.
Kl 可能仲多case 過香港
純以旅遊角度咋，而家邊度都唔去