話說住開間屋買返黎都無大裝修, 好多野都好殘,
例如洗手盤外圍條邊漏水、木地板好多條"那"、門鎖壞,
上年去旅行, c6 兩老上黎幫手餵貓,
無問過就做左以下"修理"動作,
成件事好崩潰,
又無問過我地, 間屋你以為係你住開D公屋? 整咁多治標唔治本, 唔長遠既野, 我要還原返係要錢裝修架,
家下成個廳D玻璃膠變哂黃色, 又太陽曬到一達達咁, 刮都刮唔走哂D色!
C6 D朋友黎到都問搞咩野,
我依加想還原返, 重新整, 都搞唔倒正常咁!!
你睇唔過眼, 想整D野頂住先係ok, 但D野還原唔倒!
點解唔會認認真真解決個問題
認真處理根本問題。
真心攰, 我好驚第日裝修完佢地又無啦啦整到咁。
成件事, 無尊重加幫倒忙, 我都唔知點比反應好。
真係好心做壞事。我對你深表同情
你老爺咁鍾意用玻璃膠既 
我知五金舖有鏟玻璃膠既工具，你可以搵下
我想死…
佢地選擇用還原唔倒既做法, 去治標唔治本。
已經用左個D工具, 我每條邊都要刮返半粒鐘都刮唔走哂, D木板好食色。
佢哋幫完仲衰過未幫咁喎
深表同情，有無試過天那水清潔
絕對無錯, 真係好煩~
可能佢地以前窮, 習慣間屋有咩都"整住先", 家下佢地間公屋都係搞到一岩一忽, 甩皮甩骨咁,
我屋企用D櫃廿幾年, 都係D邊有D甩油,
佢地間屋D櫃…好多膠紙積, 甩哂油咁,
大佬依加間屋係買返黎, 真係第日唔住都可以租出去, 有個價值架, 搞成咁!
老一輩啲人係咁，唔需要美觀，最緊要實用（佢哋自己覺得）
如果你間屋都係自住，不如趁機翻新下啦。
無!! 可以既咩? 應該洗手盤可以, 木唔得? 
我地係諗住第日大裝修 , 但是…如果佢地仲係咁, 真係曬錢啦!
我家陣有意無意, 同我c6講, 我家姐, 佢朋友間屋好是正, 好企理咁 
美感呢家野，好多男人都欠缺
下次同c6直言叫兩老唔好搞，費事佢哋努累
好慘，試下搵專業人士來睇下有無得救，下次唔好諗咁多，拎貓去酒店或者朋友屋企住幾日吧
好心做壞事，我家都有咁嘅經歷，真係對樓主深表同情。
又唔話得，因為佢哋都係「幫緊你」。
其實事後有冇同兩老反映番咁做唔ok架？你唔講得清清楚楚，佢哋仲以為自己做得好好幫你哋攪維修，下次又黎整呢樣整果樣喎
咁梗係推個c6去同佢兩老講啦
如果係我父母，我連鎖匙都收返添呀，夠膽死隨便攪我間屋
溫馨提示:婆家係c6嗰邊，外家係自己嗰邊。所以標題應該係婆家
需然係好心，但因為好多時老爺99佢地覺得間屋係自己個仔，你係入左佢地家門，所以唔洗問過你地。
俾我會叫C6收返條匙，仲有叫佢同佢地講唔可以再唔問過你地亂搞。仲要吹到佢地亂搞好易出事,話冼親又盛，作大D,咁佢地會大D機會唔會再亂黎。
不過好多時真係好無奈
但其實間屋佢地無份買又無份住
係我角度, 唔應該唔問就搞搞陣, 我C6見倒都係唔知講咩好,
無呀…家下自己試下回復緊, 嘗試整到靚一靚, 佢地黎到自己領會下, 咩先係「真正既維修」, 同埋我既要求。
改返標題先 
其實佢都有美感既, 不過佢由細到大住個到, 鐘意依到貼下相, 個到整個勾, 睇得出佢地成家慣左搞到周圍都係洞同埋膠紙印。話咁樣先溫馨 
佢自己家姐搬左出去, 又係鐘意張食飯台, 放一個架, 上面又放一個唔同既架, 一層層疊高,
到到都有疊架, 好窮無錢買傢私咁, 搞到好唔統一咁。仲話好整齊, 我心諗好核突…好離亂無章…
不過依D起馬叫執倒
試過我62去我娘家（我坐緊月
冇問過我媽就搞我屋企廁所水喉
話好嘈會嘈到Bb
又彈我娘家
大佬互相尊重 我都冇彈過你地屋企 點解要彈我屋企 佢地真係唔識尊重架啵
下? 整水喉? 可以fix返好架馬? 因為似羊水聲, 有聲BB先訓得林 
佢彈你娘家咩野? 關佢咩事?
我反而想佢地黎一黎我娘家, 見識下唔需要搞到間屋甩頭甩骨, 留D"戰績"出黎先叫溫馨有回憶 我淨係覺得咁樣好窮酸