你明知係自己屋企人奇怪
而唔係女友問題
都有諗過唔要女友
其實真係好衰 …
咩都「我驚XXX」真係聽見都嬲
你係唔應該結婚, 多過唔應該同呢位女友結婚
2個讚
我覺得有個好怪嘅現象, 就係兩個人一齊就通常會考慮同男家屋企人(99, 62, 姑拉) 夾唔夾…和唔和諧…甚至好似樓主咁考慮會唔會結婚… 明白, 兩個人一齊就理應同另一半嘅屋企人成為家人, 但都要明白, 基本上雙方同另一半嘅屋企人前半生是陌生人, 我就好少聽到女人講男朋友/C6同女家屋企人唔夾點算, 但男人就會好介意自己另一半同自己家人夾唔夾, 對自己家人好唔好… 坦白講, 每人都有原生家庭, 你自己本身對屋企人好咪足夠… 另一半對自己屋企人好咪當bouns…但唔係必然… 嗱…純屬個人意見, 唔好打頭呀… 
4個讚
因為一般外母比較少為難女婿，而且女就算嫁咗，通常會繼續搵自己阿媽，外母唔會覺得“少咗個女”；但99就會覺得新抱搶咗佢個仔(特別係本來和仔同住，結婚後仔要搬走嘅case)，大部分男人唔會主動搵自己阿媽，99唯有煩新抱嚟搵仔，衝突由此起。
6個讚
都可能係咁… 但我都覺得仲有老一輩要新抱聽聽話話, 針茶遞水嘅思想…
1個讚
我奶奶就好例子。佢會要求我去大時大節，但對佢嫁左既女要求會低D，因為男女不同。如果奶奶係咁既人，就最好要結婚前講定
唔應該結，無謂令到老婆唔開心，單身可能係最好嘅出路，你好好地愛你嘅屋企人就夠。
其實女仔嘅人生已經有好多野要面對，仲要加多d怪人/成日令到家嘈屋閉嘅人入去，好攰。
你話自己屋企人奇怪，女朋友唔鍾意，咁即係你想搵一個鐘意你屋企人嘅女仔先結婚？
除非你接受到老婆唔同你屋企人接觸，否則會害左佢，逼佢嘅話佢真係會堅辛苦，隨時抑鬱，甚至離婚收場。
我屋企都算係正常，都會有傾有講，偶然都會有爭吵。結婚前，都已經差唔多一星期試去食一次飯，無諗過婚後先知原來老爺99成日鬧交，仲要依家都分開住，奶奶同左我地住，只要一講電話就火星撞地球，我真係好唔想小朋友見到。
有時我都諗，如果早啲知係咁，真係會諗清楚係咪要結婚。家嘈屋閉絕對影響情緒。
係囉 通常聽到男家同新抱夾唔夾 咁d 男仔又會不會擔心自己同女家唔夾呢？
唔夾就無謂特登相處扮 close，男人唔好迫老婆應酬男家，甚至受氣
反之亦然
做唔到唔好學人結婚
2個讚
真係呀 仲要有時生完仔先見真章
到時個老公乜都唔做去保護老婆仲要怪佢
真係好攞命
1個讚
樓主你又同女友屋企人相處成點呀？你好氹得人開心㗎？唔係唔好害人，快啲放手比人搵個保護到佢嘅男人啦
自己屋企人有問題仲好似appraisal 咁評價自己女友
你條件好好㗎？唔嫁你係損失？
2個讚
樓主屋企人都未必係差既，人夾人姐
其實係架，所以做外母都要有啲威嚴先保護到自己個女，咪以為奶奶就可以蝦新抱，自己個仔都冇份孝順外母。
令我諗返起有啲藍絲父母趕自己個仔出街露宿街頭 
係啊，如果女婿返屋企食飯外母都要適當地表示自己對佢既期望