首先結唔結婚唔係基於佢鐘唔鐘意你家人或者你鐘唔鐘意佢家人上 係你地大家愛唔愛大家
願唔願意同對方一直生活落去
第二個問題就係 你家人同你將來老婆有事發生既時候你會點處理
選擇逃避丫 做媽寶丫 定係撐你老婆
呢d自己唔諗清楚 到有事既時冇勇氣解決
只會鬧交
過來人經驗 少見面少問題 唔見面冇問題
6個讚
其實個問題係問返你自己 你接唔接受到你老婆同佢咃冇聯絡? 有D關係可能真係一世都解決唔到架, 都係睇你呢個中間人點去睇同處理件事架喳, 如果決定咗要保護老婆而唔理自己家人的話, 請你撐佢撐一世
就算婚前無咩嘢 婚後都有可能相處得唔好
我拍拖時上男家屋企佢父母都客客氣氣 婚後就成日有意無意畀說話我聽 好煩 
維持好關係係雙向嘅 即使女朋友努力過 自己父母唔合作都無辦法
你反省一下⋯⋯
4個讚
佢又有道理喎，對父母係你的，梗係你做中間人兩邊講好說話架啦
2個讚
如果係你本身家人怪，咁換邊個女友/老婆，都唔會容易相處到
1個讚
咁其實你遇到邊個女仔，都會有咁嘅問題個喎。
結婚之後，唔好一齊住，個老婆少啲去你屋企，你想返屋企你就自己返多啲，咁你返去你自己屋企嘅時候，老婆就可以返娘家探下自己父母，咁就OK啦。
1個讚
你真係要反省一下
其實對仔女朋友冷淡同唔送禮好普通咋喎、結左婚會覺得咁仲好 
你女朋友仲有咩唔鍾意呢
1個讚
係囉, 冷淡先唔會有好多爭執,
女朋友唔適應係好合理既事,
都唔明有咩好煩,
可能樓主太年輕…
你咁有趣嘅？你自己都識講你屋企人有問題，都仲要你女朋友接受？
其實就算而家ok，好多人都係結婚之後就開始唔ok，咁到時你又會點做？唔通到時又迫個老婆接受，唔接受就係佢有問題？
你攪清楚先啦，就算自己屋企人有時都真係頂唔順。既然問題唔係出喺你女朋友度，你有咩理由迫佢先？
3個讚
冷冷淡淡咪算好，起碼冇開晒火
大把人婚前當新抱係女，婚後即變臉
其實你唔開心咩野？自己父母自己搞，做親生仔女都未必有信心改變到自己父母幾十年既習慣啦…
1個讚
你女友係嫁你定嫁你屋企? 你屋企好大戶人家? EXPECT 婚後要晨昏定省? 如果唔係大家分開住有咩問題?
最最重要個問題係出自你自己屋企喎! 咁你自己唔協調下, 除非你想一世單身啦, 否則就算換女友都解決唔到咩問題
4個讚
你問下自己一個問題
你的家庭咁樣, 有邊個會鍾意
你期待將來會有個女友同你講" 你家人性格好怪, 成日鬧交, 對人冷淡, 我好鍾意佢地呀!"
我相信不會
咁即係, 呢個唔係你女友問題, 呢個問題無論你同邊個交往, 都會存在
所以唔應該用呢樣野去考慮
最多諗旅行結婚, 婚後唔一齊住, 唔洗同你屋企人咁多交集, 已經足夠
7個讚
其實你心入面係咪想女友愛屋及烏，明知你屋企怪都欣然無指件接受，否則呢個女仔仲娶唔娶得過咋？？
結婚唔一齊住，問題已經少左八成，其餘既大家協調囉？
掉番轉，我自己屋企都怪，我老公屋企叫正常啲，我都唔會叫老公要接受我屋企，同時我唔介意屋企人鐘唔鐘意我老公，唔鐘意咪唔見/分開見囉，喂，你都識得講怪，唔會多左個老婆就無啦啦大團圓溫馨又愉快呀？
掉番轉我係條女，真係睇你點處理，你協調得好，有事會企自己個邊，唔洗一齊住，基本上都已經無乜問題，否則對等地，嫁俾你？嫁唔過囉！
上面講得岩，屋企人無得簡，你換幾多條女呢個問題都會係到，只有係你自己點樣兩邊處理姐
4個讚
我覺得唔應該結，唔係因為你女友唔鍾意你屋企人，而係因為你根本唔夠愛你女友，你咁樣會害咗個女仔。。。
6個讚
只要結婚之後唔一齊住就無問題。
坦白講，老婆同自己屋企人相處得好其實係好少有的。我身邊朋友真係得一兩個好例子。其他就算結婚前好地地，婚後唔係水火不容，都暗底互不喜歡。特別係有左小朋友之後，老人家成日踩過界，過份關心孫兒，令好多老婆與男家屋企人/老公與女家屋企人不和。
以我自己為例，做女朋友果陣，男家都客客氣氣。結左婚後，男家當我屋企人，開始無乜忌諱，當我仔女咁教(日哦夜哦)但又唔會當我親生女咁錫。生完仔因為湊孫方法唔同，真係會開片。
就算真係比你搵到個女友同你屋企人相處融洽，都唔代表可以一直融洽落去。
2個讚
既然唔係女朋友問題，咁其實同佢無關喎，就算俾你遇到下一個其實都會有呢個問題
因為個問題係你屋企人嗰度嘛
覺得佢係the one既就結婚喇，婚後出去住
咁咪無咁多拗撬囉
有距離地相處就夠﹐
唔駛一齊住就無問題；
輪到… 如果有朝一日有小朋友﹐
你父母會否衝出黎話要湊孫?!
希望唔駛佢地幫手啦。
我就衰左，和老公家庭相處不太好。我地已經唔一齊住，大時大節見。未生小朋友時無野。
但生左後，要我全家每個星期去佢屋企一次，一定要食晚餐，每個星期都要咒後生仔死，忍左半年我就反左枱。
老公仲怨我反枱，我話返佢，對方咒我手足半年又點計？佢而家做中間人協調，小朋友每星期去，我就疏d，但都要去。都仲係難頂。
不過邊個結婚都係咁，無得避。不如同屋企人傾定，幾耐見一次，可否只是小朋友見，太太唔去咁。
2個讚