坐月完全冇得休息

有冇人都係咁:nauseated_face:
攰到爆

食全餐 生完20日
老公得10日假 剩係放晏晝
深夜3點-晏晝12點幾都要湊b 泵奶
到老公返到屋企幫手
食完晏 泵奶 先有得訓2-3個鐘
又到老公訓返一陣
食晚飯 泵奶
又冇得訓

好眼訓

有冇長老可以睇一睇?幾個鐘訓下都好

我當年都頂唔順轉左食奶粉。
先有得休息下。

當年老公一返工無人幫手餵夜奶,夜晚即轉奶粉,試咗一晚餵完再泵成晚無瞓頂唔順,
日頭阿媽嚟幫手先泵奶,好彩個女滿月就戒夜奶。

加油。
捱多十日就坐完月架啦。
呢家天氣記得唔好俾自己冷親。

我都頂唔順,一個月轉食奶粉

自己一個睇晒咁滯,奶奶既“陪月”是早上十點蒲頭,十二點幫bb沖完涼就走人

幸好過去了:blush:

老公講左幾次話要有個時間表
今日同我講我先知
原來佢諗住我做夜更佢就晏晝返黎做家務湊b我訓覺
我其實已經通頂 佢朝早7am-12pm返左工我都要起身餵奶其實都係冇得訓
之後晏晝都要泵奶
唔明點解明明係我坐月仲要係開刀
都仲要通頂
一啲同情心都冇唔好話愛唔愛

依家個幾月
我都爭扎緊
阿B一路食一路瞓,動輒食上大半個鐘
瞓半個鐘一個鐘又嗌過
日頭無補粉俾佢,我連去廁所嘅時間都未必有,唔好講泵奶
夜晚補咗粉佢瞓到兩個零鐘我先叫有得泵,泵親都得粉少少

隊友已經算幫手做家務
但都唔多頂得順

我當年都係咁, 無請陪月, 無工人, 無老人家, 老公要返工, 自己湊又要泵奶, 完全無得瞓, 不斷喊不斷覺得做乜要咁辛苦, 點解身邊人唔體諒我, 但泵下又一日, 泵下又一個月, 到戒咗夜奶後就一天都光晒, 之後回望番就會唔記得當初有幾辛苦, 加油 :yellow_heart:

1個讚

湊NEWBORN係好辛苦!! 我果時一滴人奶都無餵過, 已經叫好D, 樓主, 如果餵奶辛苦就用奶粉啦!
搵長老幫下手好緊要, 湊返一日半日都好,自己可以"真"休息

1個讚

佢可能唔知喺屋企嘅辛苦,好多人(唔分男人女人)都覺得喺屋企就係輕輕鬆鬆hea,試下具題哋解釋提提佢

嗰時我無間斷餵奶,老公都問有咩咁辛苦,問我做咩咁唔開心有咩trigger 到我情緒,之後佢湊咗幾日就冇再問我

2個讚

:rofl:

1個讚

講樣好笑嘢,果時我朋友中得我有小朋友,我有講好忙勁攰,有人話你唔使返工日日喺屋企有幾忙呀

近日佢終於有自己既骨肉,湊到叫救命果啲,我話湊仔咪咁懶,你以前話我唔使返工會有幾忙,佢死唔認自己有講過:joy::joy:

其實都唔出奇ga 我諗起自己有bb 之前都係日日返工,啲人話喺屋企好忙我都唔明,心諗有幾攰呀係咪你哋廢咋。而家自己知喇,所以你話報應呢啲嘢幾應。

所以真心覺得樓主唔好嬲老公住,佢有請假即係佢理性上明白要幫手,之不過係未自己體驗到幾辛苦,樓主講返具體情況同最緊要確切講你想點(如果唔係啲男人會話講「咁你而家想點呀?」呢啲撩交嗌既野)
咁樓主而家有冇頭緒可以點好?屋企人/鐘點之類?

我全人奶⋯頭一個月真係餵到懷疑人生⋯重後悔自己攞苦嚟辛⋯日日希望佢快d 大唔使掃風

屋企豬隊友幫唔到手⋯半夜得我湊⋯感恩我媽媽晏晝會黎煮飯同幫手睇bb⋯但都冇乜點可以訓⋯因為餵人奶⋯訓3-4個鐘就要起身

我餵人奶係晏晝要起身辛苦d…但我自己半夜湊⋯唔使又要抱佢,又要沖奶,又要洗奶樽 :sob:

到佢大⋯又覺得佢大得太快⋯d 衫著2次就唔岩

又唔好話是報應,只是有啲好笑

有人話生完同老公關係會變差
我已經經歷緊:slightly_frowning_face:

加油呀…早D攤出黎講明白…之後開始讀書仲多野煩, 積埋積埋仲唔開心呀… :baby_boy12_tehe: