唉、成個人好亂…
老爺身體出問題、已經住左排醫院。
奶奶本身同老爺自己住、現在就獨居、由於前排佢試過跌親、咁老公就喺奶奶屋企裝咗cam。(奶奶知道的）
其實都唔係第一次、老公喺cam見到奶奶坐喺梳化自己喺度抺眼淚、老公講過話心up、 之前疫症爆得勁、佢都一個星期入兩次將軍澳探下奶奶、有時奶奶夜晚打嚟話電話唔識搞之類、唔係太夜佢都即刻撲入去幫奶奶整。
昨日老公話成日見到自己阿媽咁好唔安樂、提出想搬去奶奶附近（可能同一棟樓）、但我地住新界、小朋友剛剛二年級、咁樣一搬又要諗轉校、小朋友成績又唔係好、都唔知有咩學校收佢…好煩。
其實叫奶奶搬近你哋度會唔會方便d
始終小朋友讀書緊要
佢喺果到住左十幾年、成屋都雜物、一定唔會搬、就算勸佢都會話自己冇野冇事咁。
請個工人
請個人照顧佢
佢幾大年紀?
我本身有姐姐、以前提出過比奶奶、佢話唔鐘意屋企多個人。（因為一直都冇用開）
其實佢行得走得、自己搞得掂生活。
樂觀d諗、咁即係佢唔會想搬去同你住 
我就顧仔多過公、郁到我細既讀書真係無情講、至多放多d佢返去盡孝、起碼佢無要你一家幾口一齊現身啦
七十幾、老爺入院前正正常常。
老爺入院後、睇得出佢係好唔開心咁
7x 年紀都唔細
長遠d睇，如果你老爺出院都要搵人照顧
可能請個工人放心d
就算住近有時都未必即時去睇到佢
請個工人，話係照顧 62
以前吾要，吾等於而家吾要。話晒跌親過
我暫時諗到係
如果有合適的學校收阿仔插班
都可以諗下
否則唔使諗搬、香港又唔係大。
老人家跌親真係可大可小
老人家多數都唔鍾意有工人喺屋企佢哋嗰一輩唔慣有工人, 可唔可以喺附近請個 師奶姨姨， 陪佢買餸煮個飯做下清潔有人陪佢傾下偈， 一個星期做一兩日跟住等小朋友放假一家三口禮拜六日走去陪老人家， 我覺得咁樣大家相處會舒服好多， 當然做仔嘅最好自己平日都上去陪下個阿媽傾下偈係最好啦
小朋友其一啦！你同99關係點先？
如果麻麻既話，用小朋友做原因！
不過事實係轉校都好煩，怕小朋友唔適應！
如果真係搬，小朋友要轉校，升小四之前轉會好啲，豈碼學業上仲應付得到，但要從新結識新朋友，適應期可能會比較寂寞
其實唔差、因為大家冇干涉大家生活、加上感覺到佢同老爺都好錫我個仔。
其實一年級冇點上堂、我仔對現在間學校又話有好深感情、但我小朋友成績好一般、做插班生都幾難有學校收。
係、我奶奶就係唔鍾意有人掂佢屋企啲野、有時上佢屋企食飯係碗都唔比我洗咁。
其實升小一已經適應咗一次
轉學都只係再一次
而且仲有4年幾時間（假設之後唔轉）
叫老公每星期抽一兩晚返去瞓陪下佢
老公有冇其他兄弟姊妹？