多謝大家意見 
家家有本難念的經，希望大家都幸福
其實佢肯講呢啲說話已經好好，唔係淨係幫阿媽講說話。
教育父母係咁易就好啦，我教極我老母佢都仲係深藍到黑呀，要改變人嘅思想真係唔容易。
3個讚
既然你bf都買左樓, 即係第時唔駛一齊住啦
咁如果你bf佢唔係咩都幫住屋企人 / 唔係媽寶既話, 我覺得完全冇問題wor
佢父母點諗 / 點講咪由佢, 唔駛理
係嘅，係真係幾難。
不過佢阿媽被教育得深黃的，
但係佢唔肯同佢正常溝通咁…
但好似依家關係都變到幾差下。係咪真係ok 架？唔想被人話不孝、極品新抱
嫁比個男人又唔係嫁比佢屋企人，理得佢呀。最緊要係個老公幫自己，如果連個c6都唔幫自己，咁就真係嫁唔過
1個讚
佢黎短住，又唔係長住，ok la
想問樓主依家有無返工？
佢媽講嘢唔使太上心，亦都不用回應太認真
你可以學你男友咁hea答
我有朋友都唔生小朋友，但奶奶老爺唔接受，每次催生仔，我朋友都答生啦，唔好提，提得多唔會出現。/你問下你個仔，努力但生唔到。我朋友話捱到高齡，希望就耳根清靜。
你答案可以係氹下佢，但生唔出又另一回事，佢家人咁煩
1個讚
你只準備做人老婆，而冇諗住做人新抱，所以仲未融入對方既大家庭，而你男友又冇認真解決同溝通，所以出現左目前既局面
我係奶奶會諗，你又唔係湊仔，點解唔返工嘅?
不過你奶奶係越咗界嘅。同埋成家人有兩個家姐都有收入吖又有$裝修，點解要逼去你哋間屋住？佢哋又幾唔放你在眼內嘅。所以結咗婚都係過時過節先見算啦
我覺得都考慮下佢係咪真係會係一個好老公先…大把人生埋仔先知揀錯 
梗係有番工啦，
我男朋友先唔會養我，
只係餐餐請食飯佢已經覺得係養架啦，賤過地底泥。
講得岩，同埋我連老婆都唔係好Ready做，
諗過好多次唔好結婚生仔，分手算
結婚生仔要犧牲自己嘅夢想事業，未必值
咁就真係要諗清楚。
結婚不是2個人嘅事，係2個家庭嘅事。
Hea 答係可以嘅，但我bf 咁答係次次都激鬼到佢阿媽唔開心。
佢琴日叫完我bf 唔好排期註冊住，我bf 答「你理得我啫」，跟住佢老母就話我bf 成日唔聽話，9成9又唔開心咁
given that 佢阿媽本身都有cancer 架啦，佢地都可以咁樣相處我真係睇到呆左。
我唔想答實佢一定生定唔生，係因為佢d 理由太on9，我又真係完全唔知係咪一定結婚。佢咁想搵人生我咪叫左佢叫佢個仔搵過第個女人生
我都一樣咁同bf講架…
道氣chok住，佢又唔係我阿媽又唔一定係奶奶，真係唔想氹。
都係真係訂婚先諗點hea 佢算啦唉
我覺得你男友既hea答阿媽幾好架喇
對住老人家，解釋不用多，因為佢哋已經有自己嘅一套，講唔明佢哋架喇。嘥氣
2個讚
我有番工架，
佢老母係唔知想9up D咩，類似係我叫我第時做一家之主搵錢，等佢個仔做家庭主夫？
我就梗係想做事業型，但佢個仔搵多過我幾倍，我好努力咁拼搏日夜諗緊未來點賺多幾倍架啦
呢單野我覺得最主要都係我bf on9，當我無到果個白痴係佢
對呀，由頭到尾我都覺得結婚唔係兩個人圍威喂就算。如果要生仔就一定要同對方家人聯繫…
我覺得你講得好岩。
但佢阿媽之前係專登搵機會想「教新抱」咁教育我，因為佢個仔乜都唔理佢，佢走黎同我講我地屋企裝修嘅「問題」
佢自己都話如果同bf 講會實唔聽。但我都唔會認同佢個d on9風水野囉。
我覺得佢地依家直頭係變相推左家庭溝通問題個波俾我受，
依家又搞到我變埋罪人，佢阿媽用「唔俾你過門」黎變相懲罰我咁，我真係心好累。