事緣我呢排斷捨離，我以前買啲偏短嘅裙，而家唔順眼掉掉掉
仲有以前偏好米白色衫，而家又係覺得唔襯係咁掉
拎去回收， 不過你呢樣好，唔鍾意就掉就唔使留咁多垃圾喺屋企
1個讚
係，我掉嘅意思係比工人姐姐/捐
我搬屋後不停斷捨離，空間重要過身外物
2個讚
事實上衫真係比較容易過季，尤其係d時興款
一係轉著衫style？著得classic d？
我2020年挑戰唔買衫，暫時都ok，出街扮到靚唔失禮，應該可以挑戰成功
2個讚
返工啲穩陣斯文款著幾年冇問題，但casual 啲就真係時興嘢，過一排就失寵
未有小朋友會隔一段時間轉下唔同style衫。
呢家無返工又有小朋友，都係T配褲/裙褲或裙。
2個讚
我係跟住身份轉變而買衫
以前返工做文職，返工著套裝、連身裙，高跟鞋
做左ftm，方便湊小朋友就op/tee+長褲，波鞋，初時咁著真係好唔慣
不過生完兩個肥左好多，已經無咩心機買衫了
無！我啲衫基本無款，淨色好單調！
我係，一陣係韓風，一陣歐美
我覺得自己好浪費
下年都係唔好買咁多，買d可以mix and Match
我自從有小朋友之後,我只有運動LOOK~
我都係生完肥左勁多
每次拎番上一季嘅衫出嚟都會有幾件唔明當時點解會買，或者相反點解買左咁正嘅衫冇著過，不過style冇大改。
以前純黑系，之後到日系，再之後到裸色系，再之後到民族風，再之後到印花裙
然後就沒有然後了
香港熱到冇冬天咁滯，所以其實你屋企有幾多衫都好，最後都係焗住著短Tee+短褲出街，有靚衫都冇啱著嘅季節
所以而家都已經好少買新衫了
另外舊衫除非係極殘或者極Old School，如果唔係我都唔會捐／扔
因為有時隔一排再拎返啲舊衫出嚟睇，個觀感同當初睇會好唔同，當初唔明點解自己要買返嚟，而家睇返會覺得其實都唔差
特別係喺而家呢個Fast Fashion時代，好多舊衫其實真係會絕版，絕版嘅意思係而家全世界都跟住當季個Trending行，就算你去外國網購好多時搵嚟搵去都係嗰啲衫，有時真係會搵唔返某啲款
所以我都係傾向會留舊衫，廢事扔咗之後買唔返呢啲款會後悔
1個讚
香港嘅地咁矜貴 ，掉好過