點解可以搞到唔返工, 唔食飯, 同女朋友鬧交, 又唔湊仔, 影響家庭關係, 嚴重的甚至會猝死
唔知會唔會無聊得濟冇人覆
點解可以搞到唔返工, 唔食飯, 同女朋友鬧交, 又唔湊仔, 影響家庭關係, 嚴重的甚至會猝死
唔知會唔會無聊得濟冇人覆
我覺得最主要俾到真實世界無既野
好似我老公咁 佢好中意打起城市既game
咁現實世界係無可能俾個城市佢起架嘛
不過佢又未到沉迷個隻既~
可能係過關,輸左要再贏,贏左有自豪感,再繼續贏落去
係內容係吸引,但點解打到畀人鬧都要繼續打呢?
這個是沉迷的理由, 我係講失控嗰啲
我估,因為打機必有回報,肯花時間就會儲到level,肯課金就會買到要嘅嘢,比起現實,好多時付出完的回報唔成正比,甚至無結果,打機比現實更美好,有數字量化到付出過的時間同錢
但始終係一個虛擬世界, 有冇沉迷打機嘅人現身說法, 佢哋嗰啲諗法係我冇諗過嘅嘢嚟, 所以我會覺得好有趣
我都鍾意打機但沒有沉迷
我覺得打機時很輕鬆很愉快,咩都唔使諗
成功感?
過左關果一秒幾開心嘅
一秒
好以麻醉藥咁
因為係隻Game入面,你可以主宰你自己生命。
我小一就開始入機鋪打機了,曾經3日3夜不眠不休打FF,感覺十分滿足。
歸根究底都係現實世界俾唔到個種滿足感自己。
同意樓上所講的滿足感。
我都試過俾男友鬧,爭d分手我仍然係要打機,有得同其他人的互動的game,更加係投入感更大。
不過打到咁上下,某日覺得自己玩得再叻在現實中都無回報,就收手了。這個沉迷再收手的過程都試過幾次。
又唔是麻醉,就覺得個腦好似一片空白咁好放鬆舒服
感覺很C服,爽死了
我有打機,但未至於失去生活,online game可能會
因為啲裝備好型好勁。
要砌勁裝去打PVP打副本係需要好花精神同時間打材料。
我都試過只要放工放假就係打機。
唔係架,打機其實仲用腦過日常…所以點解會見到啲人咁迷就因為佢地諗緊點整到自己個隻野勁啲
因為遊戲世界會有一定定律,只要搵到就可以sure win, 現實世界你未必win到,但遊戲世界可以
有少少逃避現實既感覺!
4月買左動森玩,上次打機都係讀書時期!
個時都唔係好開心,社會環境好差,見到新聞又會諗,會唔開心,見唔到前景!
但一打機,乜都冇諗!好開心玩遊戲,做遊戲既要求、任務!忘記左本身既煩惱!
現實滿足唔到佢,或者係現實佢有問題令佢難以達到目標。
例如 A 鍾意鍾意做起大屋嘅建築師同室內設計,但呢啲香港做唔到,唯有打機。
例如 B 冇屋企人冇愛人/屋企人對佢唔好,佢好渴望有一個完整溫暖嘅家有兄弟姐妹父母,咁呢啲只能夠打機先有。
例如 C 佢因為體能限制,佢冇份參加學校啲 sports team,打機就人人平等,甚至係有錢埋附加品就得。
我算半沈迷,冇緊急野做就打機,都仲分到啲輕重。可以玩好耐,我有玩起樓設計、動森、Pokemon 呢啲。起樓設計呢個之前係好沈迷下,可以不斷睇樓宇單位圖、外國屋圖去起樓,起到一模一樣或者起得好靚就覺得好開心,呢啲真係畀一千萬我都做唔到。由於啲屋面積講緊係兩三層過五千呎,仲要裝修內外,一玩就可以玩超過 4、5 個鐘都未起完。動森都係差唔多願意,冇可能畀到一座小島我去發展。
Pokemon 係由細有癮到大,屋企唔畀養寵物,畀唯有打機養。細個係有癮到自己裝 rom 玩,玩唔到正版玩人地 hack 左嘅 rom,夜晚唔訓玩,因為日頭唔畀玩。
點解鬧/打都要繼續打機?就係因為遊戲帶來嘅正面情緒多過現實,越鬧越打就越去逃避/麻醉。如果現實世界帶畀佢嘅正面情緒多過打機,佢咪可以放低遊戲機。
言下之意,即係鬧、打、禁止,係只會令佢更沈迷更渴求,想佢唔沈迷打機,就一定要係現實搵到野係畀到佢正面情緒同追求。