岩岩生完幾個月 搞得頭個幾個月真係好攰好眼訓
好想佢可以識行識走同佢玩
以為最辛苦既已經過去
但好多朋友都話遲下仲煩
所以想問下大家覺得咩年紀最煩 同埋煩咩
1個讚
頭幾個月真係好攰，我都好似你咁諗以為大個小小會好d。
但係而家佢歲幾又係另一種攰，同你朋友講一樣，煩。
成日走黎走去趴高趴低；用玩具／手打個電視screen，勁多指紋；自己走入房關埋門；張床勁高都諗住自己sir落黎；成日收埋d電視搖控係梳化gap／櫃gap／洗衣籃／玩具箱，你要用果時就要周圍搵；一唔覺意就比佢抆晒銀包入面d卡同錢出黎；抆晒d玩具同書出黎又唔玩；抆晒d muslin同尿片出黎；見到人地食野佢又死都要食，唔比就係咁嘈。。。
無時無刻都要䏜到實一實。要跑住去捉返佢。
2個讚
你咁樣講完真係聽到都覺得煩
你果個係男仔？
真係少d體力都攪唔掂。
係呀我個男仔，但係女仔呢d年紀應該都差唔多吧？
都聽人講歲幾兩歲係好煩
我果個都係仔 真係要係咁帶佢出街放電先得
比起上到小學，我寧願經歷多幾次trouble two
不過，我相信最難搞應該係青春期時既反叛（雖然我未經歷到）
到青春期 反叛期時又係另一種煩，要學佢哋嘅語言及話題，又唔可以太過家長，到佢哋再大d有男女朋友時，又要學做一個識做嘅家長
K3前對我來說都係難捱
上左K3, 現在小學、我覺得重生咗
1個讚
睇黎我要等待K3既來臨
1個讚
頭一兩年最難搞.
青春期有青春期的問題, 但不是你想搞就可以搞, 有時要放手甚麼都不搞.
和孩子關係親密一點, 父母的話就比較容易聽得入耳.
1個讚
養兒千百歲，長憂 九十九。
幾多歲都係咁難…
（我阿媽講嘅）
1個讚
不過我係將佢嘅學習睇得好開、做功課溫習每日只係做少少、見佢明就算、盡量（扮）不問佢成績。
上小學、要努力儲關係留青春期用、個個都話小朋友一上青春期就變左第二個人咁…
係長憂一零一，因為仲有陀住佢果十個月
2個讚
每個年紀有唔同難搞之處
我係無耐性、超級理性嘅人，細bb時唔識瞓唔食野、無道理講！
2歲唔夠就trouble 2, 未識用地球話溝通，脾氣大
KG時氣管唔好，搞搞震，外傷整到，嚇餐c
小學唔鍾意返學，未試控制情緒 (似亞氏仔) ，有乜事就社工帶走，我就收電話…
中學煩打機、煩學業…
我都成日問，咁有邊一年係唔使憂？
1個讚
青春期，我受刑中，好在生得一個
到我百年歸老再報夢話你知
點解呀 佢成日閂埋房門唔理你呀？
我都擔心青春期，自己都青春過…知幾反叛，食煙逃學偷野（偷野小學已經開始。
細個就擔心健康
大個就擔心管教 哎
所以生仔真係要考牌架