其實思維就錯左，如果係跟唔上既未必係小朋友問題，有時唔識就唔識，唔明係唔明，外補完，幫佢扶返上去再係一樣，最後只會令到小朋友唔開心，一比較大家就知自己去到咩lv，有人總係可以不費吹灰之力就識哂，亦有人要練到癲都係勉強跟到…
好可悲
資源呢樣真係無得拗
咁講啦，其實呢堆神校，我認識的有offer的家長好多都只係普通中產，所以小朋友表現最重要。當然呢d學校都一定有唔少位俾上流名人
上流名人即係有錢谷小朋友，學校唔使擔心小朋友會fall behind lor~
好多都中產仔女入讀好正常，主要客源黎ga la.
太怪獸，所以特登唔揀
咁講面試仲輸蝕。拍片對內向小朋友已經有著數，因為可錄N次
因為你唔知個直資世界係點玩，而且要由幼稚園既生源開始睇上去，唔可以以津校準則來比。
讀直資個d 都可以唔外補，但少lor。
應該係輸表現，太背書而且多剪接。
有年coed校長到face to face interview問個男仔拎成牆既獎你開唔開心，小朋友第一下反應同回應係扼唔到人架。
呢位校長值得欣賞
最近同幾個家長gathering, 有幾個小朋友都有中文成績唔太好嘅問題。每個人都只係呻，有人話買多幾本練習，只有一個家長，佢話買咗練習同個小朋友一齊做（意思真係一題一題咁一齊做），做咗一段時間後終於發現小朋友主要問題係唔識寫字，而閱讀理解能力原來仲幾好。
3個讚
比人落後咪比人落後, 擔心會理解, 但無法, 全世界每個人都智愚有別, 個個都咁叻就無BAND 1 2 3 之分, 要知道子女長處, 想佢開心發展, 大個知道自己想做乜有目標, 已經係人生的勝利。
好多野擔心唔得咁多, 尤其係讀唔讀得成書。好多父母自己都讀唔成, 點解要迫子女讀 ?
3個讚
朋友係醫生，個仔讀直資男校，F.1到F.4都被欺凌，帶頭欺凌佢果個仲要係住同屋苑細細個已一齊玩，我地勸佢同個仔轉校，死都唔肯，話其他名校無位，一定要個仔O係依間名校畢業，我地話佢個仔都唔知畢業先定係跳樓先(住九龍站高層)個仔要睇心理醫生，有時要食抗抑鬱藥。
依家移左民，希望個仔可以打開心窗忘記過去。
比例真係差不多，得1個咁有心跟功課，其他都外判，或者覺得比練習佢就識自己做然後成績就會好。
有時我都覺得港媽好proud of自己仔囡中文差，口講要改善，心底裡可能覺得無咩大不了。
所以就睇家長自己,孩子成長及讀書開心與否家長佔好大因素.
我都覺得係，唔明中文差有乜好晒，只要仲響香港讀書就避唔開呢個科目。而且中文都係一種語言，學識總有好處。
外判果啲我真係覺得唔好怨小朋友成績差，有時家長只要跟貼少少就可以對症下藥，唔洗浪費金錢時間去補習。
P.S. 果位一題一題跟住做嘅家長都係雙職媽咪，佢真係放好多時間去教養個小朋友，我真心佩服。
冇錯呀,有時候都係家長給予壓力,做成孩子越迫越差,那些家長鐘意既HAPPY SCHOOL教學,無非都係想孩子開心去學,既然係咁點解家長自己唔需要要求咩,比孩子開心啲去成長,孩子自自然然都會學得好啲,根本就唔需要刻意去補習,另一邊既親子論壇就十分鐘意叫人補習,根本唔理解真正讀書為乜,衹係為追求分數.
我覺得初小真係要跟得貼,一係就星期一至五都去補習班或上門一對一教~
一星期先去補1,2日,平時家長又跟唔足既話,無咩用(有朋友仔係咁)
其實家長真係要自己睇緊、唔可以交曬比補習就唔理、要自己睇返小朋友邊啲強邊啲弱。
小學就算成績好、可以係靠小聰明（尤其英文、做補充多、考試見到個keyword就知要點做、但係咪可以喺日常運用到又另一件事。）、英數個低打得唔好、上到中學、尤其高中就會開始好吃力。
1個讚
呢個真係好多父母嘅盲點。
2個讚
呢啲亦都係做成小朋友從小無晒讀書興趣主要原因之一,一直咁落去點會好,點補習都冇用.