老公勁聽奶奶話，有時諗可能當時結婚都係因為奶奶贊成…佢哋成日都想將中立嘅我染藍…經過咗一年佢哋嘅努力，我都堅持中立佢哋覺得好冇癮，跟住同我一齊咗9年嘅老公仲話唔夾…奶奶有日約我出嚟喺餐廳大聲咁話我個人勁失敗，婚姻失敗，（成餐廳望住我超級冇面），個女不如俾我哋帶…但係其實嗰陣時我老公都仲未話要分居，隔咗三日我老公終於出聲話要分居…
其實我哋仲有個三歲嘅女,都唔知點搞…為咗依啲政見嘅嘢其實依年半真係少講咗好多嘢…講真真係好難對嗰啲深藍嘅Post有任何意見，我只不過冇意見但係對於我老公我奶奶來講即係不支持佢…唔夾…
本來諗住國安法實施後，佢哋覺得自己好似贏曬，應該少啲嚟搞我，點知…
2個讚
分開未嘗唔係好事
加油
2個讚
點知…?
就算繼續，你都係活於人哋阿媽之下，放手係好事。
個女，一定同你爭。
你奶奶好冇禮貌，冇家教！
失唔失敗唔到佢批評！
1個讚
點都攞返個女！
係時候做下野喇！
想像下，如果要爭個女，要證明對方既不是先會對你有利
3個讚
點都唔可以﹐
除非你唔愛個女；
就算要離婚﹐
你一定要自己睇住個女；
萬一真係離婚﹐
有無外家幫手?
1個讚
幸好我有外家支持…
但我對個女好悔疚，由於番工太忙再加上政治冷感, 對於我老公原來已被逐漸染成深藍到依刻先知，覺得自己好失敗… 明明我先喺每晚瞓佢隔離，奶奶同我吔又唔喺同住…我好唔忿氣… 我好想幫佢染番綠… haha
其他生活上嘅嘢有乜好大摩擦先？
我反而想知點先叫婚姻失敗，兩個獨立嘅人一齊，大家互相磨合架啦
咁男方而家搬埋阿媽出嚟又算唔算成功？
你奶奶short 㗎 ？份人咁冇品嘅
咁都仲有機會
如果你想試拉返佢返黎﹐
要好好同佢傾下；
既然唔係一齊住﹐
其實有好多位可以傾﹐
加油﹐
但如果真係唔得﹐
唔係你對唔住你個女﹐
係你老公對唔住個女﹐
好好照顧佢﹐
愛你的小朋友就更不要放手。
唔好將責任放晒係自己身上。
你唯一嘅責任係女。
1個讚
痴線 為政治離婚 值得咩 9年喎 唔係講緊一兩年
2個讚
除左政見生活上仲有冇矛盾？
但如果老公喺媽寶、真係好難行落去…
離婚唔係你一個人問題、老公、奶奶諗啲咩做啲咩、你控制唔到…
好學生應否談戀愛題目。
我諗唔到個答案，應該係因人而異掛。
呢句先真, 樓主, 唔係政見問題, 係阿媽講咩你C6做咩… 仲有你奶奶係公眾地方話你失敗, 真心係無教養行為… 但無論如何, 樓主應該好好同你老公傾一次, 去或留都清清楚楚… 但唯一唔可以改變就係女要跟自己…
一個耳仔軟，連一齊咗9年既婚姻都可以受父母說話影響既裙腳仔，一係年紀好細，一係個腦好細。睇得出樓主JM唔係留戀個老公，只係感覺無奈。我想讚你好清醒，明白件事本質。睇得出你本來都想息事寧人，但對方要更進一步，你係避無可避。
至於囡囡，一定要攞返撫養權。你都睇得出果班人心智唔正常，點可以比個女跟住佢地。而且係你99話要離婚架嘛，佢自己要承擔返冇左個孫既責任，仲要你老公比返贍養費，佢哋咁愛政府，你要跟足政府規矩做。
加油呀JM，你係有思想諗法既人，媽寶未必襯得起你。
11個讚
個女得三歲，如果俾佢地撫養，大個就會成為樓主老公嘅翻版
3個讚
婚姻係兩個人嘅事，如果其他人三言兩語就可以令到佢提出離婚/分居，咁呢個人不值得留，甚至可以話不夠愛你。婚姻失敗關鍵，好大機會都係老公無能，做唔到一個堅強有主見嘅中立人，搞到自己阿媽唔高興，個老婆又委屈。呢個情況，老公只要同奶奶講：老婆已經讓步唔傾政治，可唔可以唔好大庭廣眾鬧佢？唔想阿女覺得媽媽冇用，亦唔想你畀人影低擺上網畀人鬧。
阿女一定要跟你，阿女仲細，好多野都依賴媽媽，而且係你奶奶煽風點火然後你老公同意，咁佢哋冇理由要阿女跟佢哋。但正因阿女細，盡力一試傾掂數。「唔反對你嘅政見，但唔想傾政治，只想畀阿女一個開心舒服嘅屋企，爸爸/嫲嫲都唔會鬧媽媽失敗、無能，咁卑微嘅要求都答應唔到嗎？」
你有穩定工作，有外家幫你，到時候真係要離婚，個官都唔會覺得你冇能力湊。加油！
3個讚
其實…你老公係咪出面有第2個女人或者將會有筆遺產分,所以先夾埋99做場戲迫你而家離婚?