我有一個小朋友, 喺佢一歲時我患病, 嗰時正打算再生第二個, 可惜結果係可能一世都無辦法再俾個細佬妹佢, 因為再懷孕係會有死亡風險… 
呢件事係我心裡的一條刺
其實由嗰時到而家我每見大肚, 或拖住兩三個仔女既媽媽, 個心就會好唔舒服, 好失落…
幾年下來我以為自己會放開, 但到最近見到一個相熟既媽媽有咗, 又鈎起咗我無得再生BB既傷心…
我好想再懷孕但老公都好唔支持, 始終有風險… 我完全明白, 但依舊難受。尤其每當見到自己小朋友成日得一個人好孤獨, 又無乜好朋友, 社交能力弱, 就覺得係自己問題令佢唔能夠有個同伴好好成長。 
唔知到幾時我先可以真正接受自己無可能再有BB … 
#放負 #純呻
如果係因為身體問題就唔好夾硬嚟，小朋友唔會想多個弟妹但冇左媽媽！
獨生同社交能力唔係必然關係！望下你身邊嘅朋友，唔通真係因為獨生就古古怪怪？我反而有唔少朋友係有兄弟姊妹，都覺得自己社交能力唔好，唔識同人相處！
而且老公會重視你健康而唔迫你試再孕係好幸運嘅事啊！
至少你已經有一個小朋友，好多人連有BB嘅機會都冇啊～
既然個天幫你決定左，你地就將所有愛同資源都比哂呢個小朋友啦
係, 我老公都係話唔想搵命博, 但我知佢心裡都好想再有多一個小朋友…
另外就係家人 / 6299 雖然知我病, 但唔清楚我再生育會有風險, 有時都會有壓力, 尤其6299, 言談間會話想有多個孫, 問我小朋友要唔要有弟弟妹妹…
但又唔方便解釋太多, 有時都幾無奈~ 
建議唔好搵命搏，因為你有小朋友，佢需要你。
其實依家好多人都只生一胎，係非常平常嘅事，唔需要為比唔到細佬妹個小朋友而自責，更加唔洗理6299講乜，問係咪生咗佢哋教佢哋養，唔係就請收聲。
明白你難過係因為自己都想要多個小朋友，但客觀事實係有失去性命風險，冇理由為咗多個細佬妹就冇左阿媽。有時現實就係咁多無奈，亦要平衡風險。如果真係咁想要細佬妹，真心建議考慮領養，幫到人又幫到自己。
好老土，但又好真：珍惜您依家擁有嘅嘢，唔好執著您失去嘅嘢。如果您因為呢件事有好多負面情緒，值得搵專業人士傾傾
好同意您所講
但通常呢啲情況，事主都會覺得領養同親生好唔同，因為佢執著係自己生唔到第二胎…
多謝您~ 
我都有去查詢過做寄養家庭 / 領養, 但老公比較傳統, 佢覺得, 勉強收養多一個小朋友, 不如好好湊大自己親生骨肉。
所以, 結果我哋無共悉, 就打消咗呢個念頭。
嗰時係有refer 過去睇政府醫院既心理醫生…
但只見過一次佢話我情況唔嚴重唔需要follow, 時間會淡化唔開心… 
到最近我見朋友大肚, 我無戥佢開心反而自己諗起就忍唔住喊, 先發覺自己幾年來都未放得低~
政府咁hea ga…可能心結未解開，觸動自己情緒
抱抱
唔好執著啦，香港咁嘅時勢你仲想要咁多BB，第時會好吃力佢哋又辛苦
成個海洋已經係塑膠同垃圾，空氣又差，邊適合下一代丫
識人真係 “博左條命” 都要生多個。
真心吾明，有一個已經好 ok 啦
我明你呀,我生完BB之後無人幫手,老公孤寒又自私,攪到我要硬食自己湊B,連工都返唔到…我本來都以為自己放低左,點知近排老公朋友生BB,成班係GROUP度講係私家生B,請左陪月,又請左工人果D,我睇睇埋埋都情緒失控
有一個已經好開心,我都係只生一個小朋友 
其實生一個幾好呀，我都係得一個小朋友，可以集中所有嘅愛晌佢身上面
真係唔好搵命博，你諗下有咩事，小朋友無左媽媽仲慘！長老催，就話想集中資源同時間係一個小朋友度，自己都唔好諗咁多，其實你覺得有壓力，都因為未完全睇開，我有二個小朋友，有時都會覺得早知生一個，時間，資源上真係好用好多！
感恩自己所擁有的，起碼你已經有一個小朋友，只要他健康平安就好；予其轉牛角尖，不如好好的將自己的愛專注於而家的小朋友吧。。。
利申：沒有小朋友；小x過三次，已因年齡問題，不會再有懷孕的機會了。
生BB真係講緣份，我第一個BB都等咗一年先自然中，到小朋友1歲半左右，想追多個時發現自己有8cm朱古力瘤，之後做手術割，割完唔夠半年又翻發到5cm，而家只可以食藥控制粒瘤，要停藥先可以正常排卵，如果停藥又擔心粒瘤會大，就算咁好彩粒瘤唔大，如果有B又擔心粒瘤影響個B，我年紀大啦，應該都追唔到第二個B。所以唯有好好照顧小朋友，就算佢係獨子都唔緊要，我會用我全部嘅愛好好咁陪佢長大。
唔使放到有bb嘅人生太大，根本有/冇你都要有自己人生，唔好用個B/幾多個B去 define 你人生，你冇第二個B但你有健康，有家庭，老公仲咁愛護你，不知幾幸福