獸醫: 葉灝X
診所: 旺角安X
斷錯症．俾錯藥．漠視過量反應
BB今年12歲，是一隻長毛芝娃娃。同好多年長狗狗一樣，BB有心臟肥大，但一直有恆常檢查食藥，情況穩定。除左離世前一星期測出較高腎指數，驗血報告一向正常，平時食得行得走得，我地都以為佢能活至芝娃娃預期壽命嘅14-20歲。
9月25日當早，BB瞓左起度兩次，但過後精神排便一概正常。擔心的我們即刻該早帶BB看診，診所入面BB依然活潑，識得跑嚟撲向媽咪度。
BB抽血結果對比上次無異常，醫生仲話佢心肺功能正常，睇完BB瞓左起度嘅片話係抽筋 ( !及後我地參考另一獸醫判斷，先知BB無游水動作，亦無四肢不規則、失常動作 - 其實係心臟問題暈低，根本唔係抽筋! )，就咁俾左抗抽筋藥 Phenobarbital。BB 大約1:45pm 食完雞雞就食左第一次藥。大約3:00pm開始，BB好似醉酒咁腳軟無力，企唔到行唔穩，一行就跌落地。我地即刻打去診所，獲告知係正常反應，不必理會，我地就陪住BB，諗住佢平時健健康康，過左藥效就會好轉。
可惜到大約8pm，BB情況轉差，企唔到行唔到之餘，舌頭露出，不停滴口水，呼吸起伏好大。我地再轉述情況請教葉醫生，佢話呢啲都係食藥後導致肌肉放鬆嘅正常反應，仲話如果我係你，會繼續餵BB食藥！ (!BB根本無抽筋，食抗抽筋藥當然反應唔好，竟然叫我地忽視，再繼續餵藥!)
我地以為葉醫生值得信賴，BB伸唎只係肌肉放鬆 (!及後去急診先明白係呼吸困難張嘴，我地以為自己陪住佢渡過藥效，原來係起一邊任由佢掙扎呼吸左幾個鐘!) ，所以無即時送醫，諗住藥效高峰點過左就會好轉。
點知大約11點，BB突然大聲哀嗚，失控亂撞，打左十幾個轉身，每轉一下個頭就不自控咁大大力撞地! 我地即係送去急症，但已沒生命跡象，急救左都無補於事 !反而係朝早仲話正常嘅心肺功能，竟然抽出左好多肺積水! 我地都好震驚難過。
我都係有日睇蘋果新聞報導先知有呢個page