上一份工做左好短時間發現唔適合所以辭職, 其實當時已經見左另一份工, 仲安排左簽約, 點知對方拖下拖下不了了之(後來先至知對方請左個internal transfer既人, 咁就咪鬼叫我IN 啦!), 咁都無辦法啦, 加上疫情咪留係屋企照顧小朋友. 其實我都keep住搵下工, 但做既工種真係唔多opening, 或者咁講唔係一D無左唔得既崗位, 就算問agent都話今年無乜opening, 所以呢幾個月係無工見.
幾星期前俾我搵到份好啱既工, 好快IN左仲做埋test, 但之後接近2星期都無下文, 相信應該失敗左! 真係好唔開心, 唔知可以同邊個講! 個人好down, 覺得好無用, 搵極都搵唔到工. 之前裸辭份工係同一行業但不同工種, 真心唔適合, 唔想再搵D唔啱既工, 所以對呢份工寄予厚望, 點知…
其實我有工人姐姐幫手做家務, 我只係照顧小朋友學習上既需要, 比起好多人已經算好. 不過我年紀大, 如果再搵唔到工怕被迫要退休, 所以真係好心急, 亦都因為咁而唔開心, 成個人好頹, 做乜都無動力… 我都唔知可以點做. 試過同D 有coaching經驗既朋友傾, 個一下係會變得正面, 但第二日又打回原形…
我唔知搵到工係咪可以改變好多, 但至少個人無咁頹, 真係好希望快D搵到份啱既工啦!
呻完!
搵工嘅同時搵d短期嘢學，等個人充實啲。聽講職訓局開咗啲不限學歷嘅課程出嚟，可以睇下。
呢個時勢係難d架啦，唔好灰心，寄多幾份cv出去，加油
依家marketing and promotion真係好難，始終都係洗錢最主，如果搵e-commerce小編個d會唔會易d？
好多行業都吊鹽水，所以都明白好難揾工，但始終都會擔心唔知知揾幾耐先至揾到
你係因為家庭經濟壓力所以要出返嚟全職定點?
而家全職係難搵，或者有冇諗過搵住兼職先?
時間彈性啲，又可以兼顧到小朋友學業，都叫重投社會。
(利申，我唔係啲乜乜兼職打手。真係純粹俾意見
)
始終要儲錢退休同俾小朋友讀書，所以有收入係重要，而且俾阿媽阿爸既家用係我自己錢，快啲有收入就唔駛擔心咁多
如果搵唔到full time
暫時搵part time做住先
一來叫做有d收入, 心理壓力會冇咁大
二來時間彈性, 方便睇小朋友功課, 同埋搵full time
2個讚
一直以來都無諗住揾part time, 始終錢唔多benefits 又無，不過而家都要考慮part time，因為好過坐屋企無收入。
我有同老公講我好唔開心見唔成份工，佢不以為以咁話再搵過囉，但其實佢真係唔明白唔成功個種失落，嗰種自我否定係幾咁難受。
我有同朋友講，佢話我要改變心態，即使唔成功都唔應該唔開心。我唔係好同意囉，因為我有希望先至會有失望，如果對份工無希望，為乜去見呢？尤其我行頭唔闊，見一份少一份，無信心係唔會去見…個人已經好負面，仲要揀錯傾訴對象…
呻完，多謝收看！
呢個我明，有份工係自己想做既industry
又first in又second in
點知等左兩個禮拜冇消息，然後見佢重新出過個job ad…
而家返工返到行屍走肉咁