就快坐完月，喺娘家坐月，雖然都係我同老公一手一腳湊BB，我爸媽都只係從旁協助，但呢兩個月係我結婚後5年過得最舒適最快樂嘅兩個月。
10月要搬翻去同老爺奶奶一齊住，又返翻去發冇止境嘅惡夢…… 十萬個唔想搬
好嬲自己份糧唔爭氣，想真正有屬於自己嘅一個家都做唔到……
5個讚
比心機
1個讚
今日純粹返去執執屋為回歸做準備，已經不斷俾99指指點點，佢之前仲自告奮勇話第日我哋復工會幫手湊BB，但佢如今嘅態度零我對佢零信心
1個讚
可唔可以遲d先返去？反正要執野即係未得，叫老公返去執野拖下時間先啦
住娘家唔得咩？好多人都係咁，邊度方便就住邊度
8個讚
同99住真係悪夢，如果娘家可以，不如同老公商量留喺娘家住。
3個讚
加油
同老公+bb搬出去有自己小天地就會好好多
好抑鬱，好激氣，又再上演一哭二鬧三上吊嘅戲碼，總之人人冇錯，最錯係我
1個讚
積極啲，無論如何都要勇敢面對
專心湊B，其他野交比老公搞啦，媽媽加油
你老公唔幫你？真係冇辦法搬去娘家？
我經歷過，好明白你，只能同你講聲頂住，因為寄人籬下就係寄人籬下，仲要你外人一個，你仲要佢幫手湊更加大鑊…老公幫你擋制衡到佢地都還好，唔係真係會聽到抑鬱。
2個讚
老公同我講睇睇嚟緊10月頭四日先返去睇睇大家夾唔夾到，真係唔ok就返娘家住。入咗紙抽居屋，希望抽中
8個讚
我99啲唯我獨尊嘅性格真係好難頂，乜都係佢最啱其他人錯，有唔老黎就一哭二鬧三上吊
2個讚
祝你好運 
真心明白你，因為我都有個咁既99，唔同既係從來都無同佢一齊住過，大肚時要求生左小朋友俾佢湊+同住。起初我都以為自己可以，但陀b 愈耐愈頂唔順，最後娘家坐完月後老公話唔搬返去喇、連佢都覺得唔適合一齊住。
好好同老公傾下，心平氣和地講出你既感受，湊bb 唔係一時三刻，仲需要好多野配合。如果本身同6299 關係都唔好，同住只會爆更多煩惱出黎。
3個讚
老公清楚我嘅境況，今日返去佢自己都受氣，可惜暫時未有能力搬家，返娘家住亦唔能夠長遠，好糾結
能夠係娘家住幾耐就住幾耐，或者好快就抽到居屋呢
如果老公返去都受氣，你返去可能都會難受
盡可能避免，有時有d 人同佢地保持距離反而對大家既感情仲好。
加油…
1個讚
不可娘家住既原因係咩呀
有冇方法可以拆掂佢？
擔心你番去受氣
又要番工
搞到自己情緒差
老公同小朋友都唔開心呀
仲要你老公都受佢氣
佢一定好惡頂